كلمات اغاني الفنان عزازي

جيتك وكلي جرح
جيتك وكلي جرح يامسبب الجرح***عطني دوى المجروح ياجارح الروح
جيتك بعد ماتاه فكري من السرح***سارح افكر في سوياك وانوح
مليت اعيد بالقول وازيد بالشرح***يرجع صدى صوتي من الهم مبحوح
عود على المشتاق لاتهدم الصرح***دام الامل مابه على الود مفتوح
مايستوي بالحب الجمع والطرح***وشلون ابحي وانت عن دربي تنوح
ياللي احبك صار طعم الفرح جرح***متى سواليفك على سمعي تفوح
رغم الالم جيتك ادور عن الفرح***مثل الغريق اللي تعلق على لوح

 
دارو خواطرنا

راعوا مشاعرنا دارو خواطرنا***نقرب منكم حنا وانتم تبعدوا عنا
ليه الجفا يااحباب لابد فيه اسباب***قولوا وش حصل منا لايكون الغلط منا
خافوا منو الملى وخلوا السهر يحلى***حنا بعدنا حنا بالاخلاص مازلنا
قال الله اعطاكم والمال نساكم***باكر ربي يعطينا لكن ماينسينا
ياليتكم تدرون وبنارنا تحسون***عن درب الرضا تهنا ومن طول الهجر ذبنا

صدقيني
صدقيني ماتصورتك كذا***ناقضه للعهد تنسين الجميل
ماحسبتك قاسيه بالشكل ذا***تغدري فيني وانا اوفى خليل
شفتك بعيني
شفتك بعيني لاتقول انت واهم***شفتك مع اللي قد نصحتك تخليه
لافاد بك نصحي ولاانت بفاهم *** تكرر الغلطات دايم تماشيه
على عمار الحب ارجوك ساهم*** لااصير وحدي ازرع الشوق واجنيه

يامنبع الثلج
يامنبع الثلج كيف تصب لي جمره***وانت السحايب بكفك والضما فيني
ياشين هالليل كنه طايل عمره***احس وجهه تعلق في شراييني
من حجة العام جرحي ماقويت امره***لقلت هانت رفع صوته يناديني
البارحة من طعونك كانت السمره***مابين نزف القصيد وفركه ايديني
اذكرك كان الغلا فنجال مع تمره ***ايام تلقى غلاك ومجلسك عيني

اجمع احزانك

اجمع احزانك وهمك والعذاب***هلها في وسط صدري هلها
لاتخاف من الملامة والعتاب***دام انا راضي سيوفك سلها
فدوتك روح رضت بالاغتراب***تتجه للموت لو تشر لها
تمشي بشورك ولو شورك خراب***لعنبوا روح تعاند خلها
فدوتك قلب يحبك مايهاب***لو وطى نارك ابد ماملها
اطعنه بين الزاويا بالجراب***واذبحه واقطع عروقه كلها
واكتب بدمه على الرمضاء كتاب***قد قتله العشق روحه تلها
غسله ثم كفنه ببيض الثياب ***هلل وكبر وصلاتك صلها
اقبره ثم ادفنه تحت التراب***والنصايب فوق قبره فلها
اتركه وارحل مع بلال السحاب***عش حياتك والتعاسه خلها
لاتفكر بي ولاتحسب حساب***واعرف ان روحي بقت بمحلها
ولاقلتك الشوق من طول الغياب***سكتي ياقاتلي بتدلها

صيدلي عندي سؤال …………والجواب اعرف محال…………جرح زينات الدلال
يا ترا جاله علاج

اسالك مما بروحي………….ودي اعالج جروحي…………قبل روحي لا تروحي
بين اعاصيف وعجاج

من شاف حالي قال وش فيك يافلان *** حالك نحيله مابقى الا العظامي
الناس ترقد ليلها وانت سهران *** جارك شكى من ونتك ماينامي
من سبتن يابومحمد بمقدار *** من علتك باين عليك السقامي
قلت اتركوني مع همومي والاحزان *** لو قلت وش بي مايفيد الكلامي
الي بقلبي مادرى فيه انسان *** اسرار ذكرى قصتي مع غرامي
راح الحبيب وصرت انا اليوم ولهان *** كن الشهر من غيبته ظرف عامي

مرت ايام السعاده مادريت 000 انها لحظات في عمر السنين
غفلن عنها وهي دربك مشيت 000 واخر المشوار صرتي تكذبين
اعترف اني على نفسي جنيت 000 يوم خليتك في قلبي تلعبين
عشت با لاحلام مده واهتنيت 000 خادع نفسي واقول انه تبين
شفت منك الغدر ولكني وفيت 000 قلت يمكن با لوفاء طبعك يزين
وذقت منك الويل ولكن ما شكيت000 وانتي الي من حناني تشتكين

تالي الليل وكل بمنامه رقد……بس انا اللي عيوني بالسما والنجوم
ابغي النوم وقالت لي عيوني بعد …مايجي النوم للي غارق بالهموم
قلت ياعين محبوبي جفا وابتعد … لاجزا الله من غير كلام وعلوم
الوعد راح ومن بعده مضى كم وعد . والسما الصافية غطت عليها الغيوم
ماهوى القلب من بعده وقبله احد… كيف حبي بقلبه صار ماله لزوم
وين ابلقى مكان خالي من الحسد…كان علي الايام من دون الحوا سد تدوم

فلت شعرها وانتثر كنه الليل**_**غطى عبايتها وغطى نحرها
وغطى العيون اللي هدبها مظاليل**_**حتى سواد الرمش ضاع بشعرها
تلحفت به والعباة كنها الخيل**_**ترقص تناظر للنجوم وقمرها
بعيونها القمرا وبحجاجها الليل**_**وجمال كل الخلق ضاع ببحرها
لها عيون ناعسة ترسل الويل**_**ورمش العيون السود زود خطرها
ولها نظرة منها تموت الرجاجيل**_**ياويل منهو صوبته بنظرها
فيها جمال وزادها الكحل تجميل**_**فيها دلال يسحر اللي نظرها
صعبه لغيري ودربها لي تساهيل**_**مافيه غيري بالخلايق سحرها
احبها بلحيل بلحيل بلحيل**_**راضي انا بافراحها وبقدرها
كلي اغاني حب وكلي مواويل**_**لعيونها ولرموشها ولشعرها

قال من خلة توفى واندفن قبل يجمعهم نصيبن في الحيات

اساالك يااللة بكل اسمن حسن ياكريمن اسالك بااعلى الصفات

وارجي انك مع حبيبي تجمعن واصدقن تعني من بعد النجات

راح في عزت شبابة واتركن فرقتنا قدرة الله يوم مات

شافت عيوني حبيبي في الكفن شايلينة في النعش لااجل الصلات

ابعدوهاعن ورجليني عصن ماقون المشي صارن وقفات

قلت ياليت انهن يمشن واركضن سابقن الريح وانتن جاريات

حاولن المشي لكن ماقون طاح جسمي يوم صارن عاجزات

صارت عيوني جهتن ينظرن ليت رجليني معاهم مشيات

صحت بااعلى صوت يامن يسعفن من يسوي خير يجزى بحسنات

مامع المقفين احدن يرحمن قسيات اقلوبهم مثل الحصات

مابهم من رق لي حين اسمعن لاولامنهم تكرم باالتفات

صرت انا ازحف فوق صدري والبطن واختلط دم ودموع سيلات

دم جسمي من عروقة ينزفن من كثر زحفي على ارضن فلات

مع دموعن من عيوني اذرفن من كثر نوحي على حسن الصفات

اشتكي هم وغرابيل و حزن داعين ربي مجيب الدعيات

اسالك ياذا الجلال تحملن العزى والصبر فيها والثبات

يوم ضاعت حيلتي وتشتتن جملت افكاري وصارن ضياعات

خايف اوصل قبرها بعد الدفن لكن اللة وصلن قبل الفوات

كن خلي يوم شفتة ودعن قبل دفنة وسط قبرة في الحضان

مامع الي حاضرن دفنة فطن حيماتها واهلها في الوفات

موقفي صعب وفؤادي بة مكن حسرتن ظلت جروحة سطيات

سرت انابس من غير اشعر اون واتقلب من جروحن خفيات

فوق قبرن فية محبوبي سكن عل اركانة لها من ساسيات

قربو اهلة وقالو انت من كيف في نفسك تسوي هاالسوات

ضاق صدري زود وعيوني بكن قلت انا الي فية عزوني عزات

اسالو قلبن لها دايم يحن حبها نابت على ارضة نبات

واسالو عينن بكتها في شجن جرحتها دموعن حميات

قالو انت الي عزاة نحن قبل تتوفى عطتنا لك وصات

قالت اوصيكم بمن حبة فتن قلبي وروحي لا حبة شاهدات

رددت اسمك وهي مابين المحن قالت انة هواعز الامنيات

كل شي قبل موتي ذكرن اسعد اللحظات واحلى الذكريات

مع حبيب الروح لكن الزمن اصدر احكمن علينا جاريات

باالقدر نرضى وربي قال كن وكانت الفرقا وماناة منعات

والقضى لوقاسية احكامة يجن مالنا الانرضى ولانجزع بتات

واخر الي قالتة لايقطعن من زيارة مع سلامن كفيات

قلت انا متاكدن مااني اظن لاسالت اللة بحسن الختمات

يستجيب لادعوتي حين استعن ومااستعين بغير ربي هميات

ربي يرحمها كريمن نايلن يعطي براية بدون مشورات

يجعلة تسكن في جنات علن جنت الفردوس اعلى العليات

والختم صلوعدد مايغفرن من نجوم وعد مابالكيدات

وعد وردن فوق الاغصان اثم رن من نبي اللة سلام وصلوات

لبيت الندى ياللي دعيتيني…… انا حاضر و امرك على راسي
من مدة وانا نفسي تمنيني…….. انت اللي على بالي من الناسي
شوقي صار من لقياك يغريني…….. وفرتي علي ما كان هوجاسي
انا اللي اخلي منزلك عيني……. وانا اللي اخصك كامل احساسي
مثلك ما رات عيني مزاييني…… انتي للحسن مرجع و مقياسي
من قبل الندى مدري انا ويني……..قبلك وقتي الماضي علي قاسي
والله ماحد غيرك يهنيني ……… يا حلوة و يا عذة الانفاسي

(الالفيه) الفا اولف ياهل الحب وشكي# من واحد لامن تذكرته ابكي
باقول كل الي حصل منه واحكي# وابين الخافي وقول الحقيقه

الباء بديت اشوف منه التغلي# يوم اعترفت وقلت انت خلي

صار يتفنن في عذابي ويذلني # وماكنت اظن الغدر يتبع طريقه

والتاء تمادى في غروره وصده# والصبر مني انتها عند حاده
قلبي من الخاين ضروري ارده # وارتاح من جملت هموما تعيقه

الثاء ثلاث شهور عايش بدونه# خل الذي غروه هم ينفعونه
بكرا يخلونه يذوق اللهونه # يوجس مثل هوجست ساعه بدقيقه

والجيم جاملته احسبه يقدر# واثره بامر فرقاه يورد مصدر
وانا انتظر انه يجيني اتعذر# لاكن ترا مثله يخون برفيقه

والحاء حشا ماشفت طبعه مع الناس# مافيه رحمه ولا عنده احساس
ياخذ ذهب صافي ويعطيني انحاس# ياوي منهو بالهوا نشف ريقه

والخاء خادمته من عيوني ولا فاد# ولا هاقيت انه يجازين بعناد
القلب بسبابه تقل فيه وقاد # من حر مابي كن وصطه حريقه

والدال دام الحب وياه مابيه# ومابي احد عندي من الناس اتريد
الي جرا للقلب والله مكفيه # خلو فؤادي لا يزيد اتحريقه

والذال ذكرا صاحبي تتعب الروح# والنوم ماله داخل العين مصلوح
اشكي صراحه واشتكي عدت اجروح# حالا مثل حالي من الي يطيقه

الراء رماني اقشر الحظ بالحب # مع واحدا ماظن له بالعواطف
حسبي عليه الله عدد كل ماهب # نسناس ريحا في مسارع طليقه

والزاء زمان الحب عندي تحول# اصبح بدال الحب كرها مطول
راح الغالى الي اذكره له منول # مثل القمر لغاب وفى بريقه

السين سم الغدر ذقته ملى كاس# ماهي غريبه نشربه من بعض ناس
مثله ولو قدره نشيله على الراس# ماظن يوم اتصير روحه شفيقه

الشين شلت الهم عنه لحالي # ولا شكيت الحمل والي جرالي
صابر على ظيم الدهر والليالي# روحي بمر الريق صارت شريقه

والصاد صدقوني اذا قلت مابيه# ولا ينتظر لحظه اناجي وارجيه
ولا يحسبني لعبتا بين اياديه # يقدر يمشيني ورجلي عويقه

الطاء طعم حبه ولونه كرهته# منشان شيا يدري اني عرفته
ولو حبه بشيك الهوا ماصرفته# حتى ولو روحه لروحي شقيقه

الظاء ظمى قلبي من الشوق زايد# والقرب اصبح بيننا اليوم كايد
والحب ماظنه ولاهوب عايد # لوعشت انا وحدي على ارضا سحيقه

والعين عيى القلب ماهوب حاصل # يقول مقدر مع اهل الغدر اواصل
الحب جمله مايجيبه فواصل # وينعاف لو روحي ببحره غريقه

والغين غادرت المحبه بلى حد # وبينت له اهم الاسباب موجز
ومن يتهمني بالكذب قلت يعجز # يثبت علي الكذب بايت طريقه

الفاء فلى والله بقاله معي شي # والله مايطري ببالي ونا حي
طويت انا صفحه قديمه معه طي# طي الذياب الي يريد اتعليقه

والقاف قررت انهي الوظع كله # وعاب شمس الحب وارقد فظله
ومن جاء يابي روحي معه قلت خله# خله تجف اجروح فيها عميقه

والكاف كل الي مظى لازم انساه # وانسى جميع الي جرى من سواياه
الحب له بلوا وياكبر بلواه # الى نصبلك بالعدى من جنيقه

اللام لا والله ماظاق صدري # على فراق الي جحد كل قدري
ادري بشي وبعض الاشياء مدري# هذا يخص الله رب الخليقه

والميم ماودي انا اجني على الحال# ودي اعدل كلشين به امال
وترك زمان راح ماريح البال # والحظ لامن نام لازم تفيقه

والنون نية صاحبي ليه شينه # ونا ماعه بنيه حسينه
الحين انا بطلت زينه وشينه # مابي عسل حبه ولابغى رحيقه

الهاء هدمت الحب وياه مليت # مليت من كثر التمني وياليت
ياليتني بالعمر ماكنت حبيت # ولا عارفت الحب ولا فريقه

والواو ولت كل ذكراه ومابيه# مندون مانحتاج شرعا وقاضي
هذا حصل ولي حصل فيه راضي# ارتحت من همن بروحي وضيقه

والياء ياليت القاء حروفا زواده # بكتب كلامن غير هذا زياده
واكمل حوار قمت انا في اعداده# لو يسمعه قلبي انقطع من خفيقه

ان جيت عندي ارحب فيك يالغالي
و ان رحت عني بحفظ الله يامزيون
من كثر ما اشتاقلك دايم على بالي
من كثر ما اردد اسمك صرت بك مفتون
افرح اذا شفت زولك جالس قبالي
اضحك واسولف معك والناس ما يدرون
ان جيت احبك حبيبي رغم عذالي
مهما حكوى عندك اكذب كل ما يحكون
ان جيت عندي ارحب فيك يالغالي
وان رحت عني بحفظ الله يامزيون
اهل الحسد همهم بالقيل والقالي
فرقا الحبايب مناهم اللذي يبغون
المر عند العواذل له طعم حالي
اذا اظهرو دمع كذبن كلهم يبكون

• كلمات اغاني عزازي
• كلمات عزازي
• اغاني عزازي 2020
• اغنىالفنان باقؤل وردك باين
• خالد عزازي جمل
• خواطر في اغاني عزيزنا