الموضوع عن الكلام الغريب الى بيطلع عن الشيوخ
كل يوم والتانى
نلاقى هجوم على شيخ
منسوب ليه كلام عجيب الشكل واللون
و تلاقى الناس بتصدق..وتشتم وتسب
اكيد غيره على الدين ..
لان فعلا الكلام الى بيطلع بعيد كل البعد عن الدين
ولا يصح اصلا انه نسب لرجل يطلق عليه شيخ
الله يعينا
بس المشكله فين
ان الناس مازالت بتمشى ورا الاعلام
رغم ثبوت عدم نزاهته
واغلب الى فيه بتحور الكلام ..عن عمد او يمكن عن غير عمد
ربنا العالم بيهم
ومع ذلك ينجرفوا بعواطفهم للهجوم على شيخ معين
من غير ما نتاكد وندور على صحه الكلام
وان كان اغلبنا بيعمل كده
زى موضوع الشيخ احمد المحلاوى
و الى اتنشر عنه..بخصوص كلام
(منسوب اليه )
انه قال من لن ينتخب محمد مرسى فهو اثم
وطبعا هجوم وسب وقذف كالعاده
ماحدش استنى رد الشيخ..
ولكن..
اتاكدوا بنفسكم
تكذيب على لسان المحلاوى..للكلام المنسوب اليه
ومبروك عليك الحسنات يا شيخ
نيجى بقى للصوره الفظيعه
الى اتعجب منها ناس كتير
طب دى فتوه تتصدق
بذمتك في شيخ هيقول كلام زى ده
صوره اصلا لا تعبر عن شئ
لا مكتوب عنوان الجريده
ولا اسم الى كاتب المقال
ولا حتى اسم الشيخ
طب بذمتك قوليلى الشيخ ده اسمه ايه؟؟!!
طب حاولتى تعرفى مين ده.
ولا كالعاده سب وقذف
الله يسامحهم عليها
الشيخ ده يا ستى اسمه الشيخ توفيق علوان
طب سمعتى رايه عن الكلام المنسوب اليه
مش عايزه اتعبك
ومبروك عليك الثواب يا شيخ
ملحوظه:
التكذيب موجود تحت الخبر في اول تعليق..
للى مش واخده بالها
الهدف من الموضوع ايه
اولا:نتعلم ما نسلمش لاى حاجه نقراها
والكلام ليا وليكوا ولاى واحده بترشح اى حد
الاخبار بتطلع انهارده
بينزل تكذيبها بكره
فليه نندفع …
ثانيا:الشيوخ ليهم احترامهم
مش بالسهوله نسب ونشتم فيهم من غير
حتى ما نتاكد
مابقاش في اى احترام لرموز الدين ..
ربنا يصبرنا على الزمن ده
ثالثا:فى فرق لما الشيخ يقول الادلاء بالصوت في الانتخابات واجب شرعى
وان الادلاء لشخص معين واجب شرعى
وده الى ناس كتير بتلعب عليه
والله اعلم بنياتهم..وربنا يهدينا ويهديهم
رابعا:سؤال كمان..تفتكرى لو واحده رايحه
تنتخب ايا كان مين … بنيه صادقه ترضى ربنا ..
مش هتثاب علي نيتها الصادقه..اكيد هتثاب باذن الله
وده الى بيقولوه الشيوخ
لما يطلع حد فيهم يقول
هنتخب فلان ابتغاء مرضاه الله
وده نابع عن النيه الصادقه مش الشخص الى هينتخبه
يارب اكون عرفت اوضح الفكره
بلاش ننجرف ورا الاعلام
ونصدق اى حاجه..على لسان الشيوخ
الشيوخ ماهماش منعزلين عشان نستنى الاعلام والصحائف
تنقلنا كلامهم..
وفينا الى بتروح دروس دين
حد قالك انتخبى حد والا هتبقى اثم ه او كده
؟؟
ماعتقدش ابدا
مفيش شيخ يعرف ربنا
هيطلع يفترى على الدين بكلام غريب
مفضوح زى ده
ربنا يهدينا ويهديكوا ويصلح حالنا اجمعين
واخيرا
ربنا يكرم مصر برجل يصلح لها ولشعبها
الغيور على دينه..ويهدى شبابها واهلها
ويشرح صدرهم للاسلام
ويولى علينا الاصلح
ويغفرلنا اجمعين
اللهم امين
