كلمات اغنيه كل زمان

بعمل سيرش عاليوتيوب
وبكتب جدعان راب
لقيت بنت سابت كومنت
اسمها كوول ماهيتاب
قالتلي مكي مش حتصدق
لما سمعنا الاغنيه
تيته قامت قالت
يوه يوه واسسااب
بس ماما كان ليها
رد فعل تاني وبعته عتاب
لماسمعت منها شويه
سرحت صرخت ذوقكو هباب
فين ايامه فريد اوشاديه
والست وموسيقار الاجيال
وللا حليم وطلال مداح
وفايزه في قلبي اليك ميال
مش رح ننكر مدى عظمتهم
وزمنهم ده بجد جميل
حتى احنا بنتعلم منهم
ازاي يبقى الفن اصيل
كل وقت يكونله ادانه
وكل زمن بيكونله فنون
تخيل لو داخل على واحده
وبتقولها يا زيزافون
وصدقيني وماسك ورده
وفارق شعرك و ببابيون
تعمل كده فالاربعينات
تاكل جدا وتجيب جون
وتلقى البت تافور ترعش
وتقول بينا على الماذون
لكن فالالفيه التالته
عليك حتشد البنت سيفون
ماهي اسالي مامتك حتقولك
عللي اتقال فظهور عدويه
قالو عنه ده هابط هابط
بقى ملك الغنوه الشعبيه
وانا بتكلم لغه الشارع
وان الفاظي دي شوارعيه
عايزك تعرفي اني براب
وماليش دعوه بالاغنيه
كل زمان وله ادان
كل زمان وله ادان
لاانا بتقطع شوق وعذاب
ويجو يرشو علياالميه
ولا عالخضره كمان بتمرمغ
ولا بتنحنح فالاغنيه
ولا بتدلع ولا بتمرقع
وللا الكاميرا تجيب رجليا
ولا نفخت وحطيت سيليكون
ولا كبرت ف**** شويه
ولا بتريق انا على بلدي
اوعلى ناسها واقول حريه
ولساني كمان موش معووج
بتكلم بطريقه عاديه
مش زي الراب الموجود
في كتير منه بلكنه غبيه
الملوخيه ميه ميه
وياسلام لو بالتقليه
شهيه …..شهيه
وهي دي القضيه
انا ماو مجرم فحت
ومش بقلد الامريكان
مساط بنطلوني
وكل البوكسر بان
كل زمان وله ادان
كل زمان وله ادان
مدرسه المشاغبين
قابلو ساعتها معارضه قويه
وقالو دي تافهه وموش فاهمين
وعملو عليها بجد قضيه
واهو دلوقتي وبعد سنين
في تراث المسرح وهميه
قولي ياطنط لو انا غلطان
ممكن اجيبلك امثال تانيه
بس الاول حشكر نقدك
اصل كلامك اثر فيا
في اللي بينقد نقد بجد
ده علي راسي وميه الميه
وفي اللي يسب ويشتم فييا
ده مش ناقد لا نفسيه
ومن الاخر مهما اكون
مش راح اعجب برضو شويه
وحيجي يطلع كام مليون
ويقولو عني ده ****مقليه
ويشهد جحا كده ويا حماره
واللي بيحصل حاجه عاديه
ومثلي الاعلى بقى حيكون
شاب دليفري عزيمته قويه
لابس خوذه وراكب فزبه
ولا بيخاف تكسر عربيه
ولا بيهمه كلاب الشارع
بس يوصلكوا طلبيه
وانا ح اعمل كده بمحبه
وحكمل والناس حواليا
حاجه اخيره انا عايزاقولها
للي شتمو اظن لذيذه
كل واحد فينا له استايله
واي واحد فينا له ميزه
في اللي بيعجب واللي مايعجب
وااللي ماعاجبه ياخد فيزه
كل زمان وله ادان