القصيده الاولي
(جحا)
عن حال مصر
شعور سخيف
انك تحس بان وطنك شيء ضعيف
صوتك ضعيف
رايك ضعيف
انك تبيع قلبك وجسمك
وانك تبيع قلمك واسمك
ما يجيبوش حق الرغيف
سالوا جحا عن سر ضحكه
قالك اصل اتنين وشبكو
اللى كان من تحت ميت
واللى كان من فوق كفيف
دا شعور سخيف
وشعور سخيف
انك تكون رمز الشحاته
تبنى مبنى للشحاته
تعمل وزراه للشحاته
يا ساقيه دورى … عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى انا اتغميت
انا اللى صاحب البيت
عايش بدون لازمه
ولما مره شكيت
ادونى بالجزمه
انا اللى زارعك دهب
بتاكلينى سباخ
ان كان ده تقل ودلع
بزياده دلعك باخ
لا شفت فيكى هنا
ولا شفت فيكى ترف
كل اللى فيكى قرف
كرامتنا متهانه
واللقمه باهانه
بتخلفينا ليه لما انتى كارهانا
يعنى ايه تبقى انتى هبه النيل يا مزه
وكل يوم الميه تقطع
يعنى ايه لما اشتكى غلو الفاتوره
يقولو تشكى بس تدفع
لما قش الرز ثروه بتتحرق
واما نفط الامه ثروه بتتسرق
واما جلادك على ولادك بيبطش
واما علمك ما يلاقيش ياكل فيطفش
يعنى ايه نرفع ايدينا بالسلام لجل الغزاه
ويعنى ايه لما ابقى ماشى في حالى اتشد اشتباه
يعنى ايه لما اتحبس اربع سنين حبس احتياطى
يعنى ايه مش حاسه بالعمر وغلاوته
بتصبى مر العمر ليه
ده انا كنت ح اوهب لك حلاوته
انا عمرى ما اتامرت
ولا حطيت شروطى
ومكان ما ترسى مركبك
بابنى شطوطى
انا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى في معركه قادش حموكى
وشفايفى دى اللى ما بطلتش في يوم هتاف
ده انا كل شبر في ارضك اتمرمغت فيه
وكل يوم عشتيه
انا اتغذبت بيه
بتكرهينى عيونك السوده
وايامى اللى فاتت
مانتيش حبيبيتى من النهارده
حبيبنتى ماتت
علا صوت ادانك جرس
فى الشده صاحينلك
من امتى كانوا الحرس
هما اللى باقينلك
بعتينى علشانهم
وعنيكى معصوبه
ياهلترى خاينه
ولا زيى مغصوبه
كل الكلام اتقال
والشعر بقى ماسخ
والصبر علو جبال
والظلم شىء راسخ
وطن وغرقان في النطاعه
كل شىء ريحته نطاعه
علمونا بالعصايه
ورضعونا الخوف رضاعه
علمونا في المدارس
يعنى ايه كلمه قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
انا لما قلت لك بحبك
كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حاله
الحب مش شعر وقواله
الحب يعنى براح في قلب العاشقين للمعشوقين
يعنى الغلابه يناموا في الليل دفيانين
الحب يعنى جواب لكل المسجونين
هما ليه بقوا مسجونين
يعنى اعيش علشان هدف
علشان رساله
يعنى احس بقيمتى فيكى
انى مش عايش عواله
يعنى لما اعرق تكافئيى بعداله
الحب حاله
الحب مش شعر وقواله
الحب حاجه ما تتوجدش في وسط ناس
بتجيب غداها من صناديق الزباله
بارت مراعينا والبئر قد جف
والجوع يكوينا والصبر ما كفى
والقلب لا يهدا والجرح لا يشفى
ولاننا طوع
زنا لهم خفا
جاءوا بموكبهم
واشتغلت الزفه
الدفه مظبوطه
واصلا مافيش دفه
والكفه مش مايله
علشان مافيش كفه
و جحا اللى جاى بالليل لساه بيتخفى
شايف ديدان الغيط سارحه ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكه مواشى
مادام بعيد عن طينى … ماشى
الدود قاعد لك يا جحا ولابد في طينك
بعد ما يمص في دمانا مش حيحلاله الا طينك
احنا اهلك
احنا رجالتك
امانك
احنا وقت الشده سندك
احنا زادك
يا جحا احمى ولادك
لو كنت عايز تحمى طينك
سوف ارحل
ربما يلقانى من ارجو لقاه
هامشى ويا الشحاتين
وابكى على حلمى اللى تاه
بس مش هاشحت رغيف
هاشحت وطن لله
قصيده التاشيره
وقد علمت في صغرى بان عروبتى شرفى
وناصيتى وعنوانى
وكنا في مدارسنا نردد بعض الحان
نغنى بيننا مثلا
بلاد العرب اوطانى – وكل العرب اخوانى
وكنا نرسم العربى ممشوقا بهامته
له صدر يصد الريح اذ تعوى
مهابا في عبائته
وكنا محض اطفال
تحركنا مشاعرنا
ونسرح في الحكايات التى تروى بطولاتنا
وان بلادنا تمتد من اقصى الى اقصى
وان حروبنا كانت لاجل المسجد الاقصى
وان عدونا صهيون
شيطان له ذيل
وان جيوش امتنا
لها فعل كما السيل
سابحر عندما اكبر
امر بشاطىء البحرين في ليبيا
واجنى التمر من بغداد في سوريا
واعبر من موريتانيا الى السودان
اسافر عبر مقديشيو الى لبنان
وكنت اخبىء الاشعار في قلبى ووجدانى
بلاد العرب اوطانى وكل العرب اخوانى
وحين كبرت
لم احصل على تاشيره للبحر
لم ابحر
واوقفنى جواز غير مختوم على الشباك
لم اعبر
حين كبرت
لم ابحر ولم اعبر
كبرت انا
وهذا الطفل لم يكبر
تقاتلنا طفولتنا
وافكار تعلمنا مبادئنا على يدكم ايا حكام امتنا
تعذبنا طفولتنا
وافكار تعلمنا مبادئها على يدكم ايا حكام امتنا
الستم من نشانا في مدارسكم
تعلمنا مناهجكم
تعلمنا على يدكم بان الثعلب المكار منتظر سياكل نعجه الحمقى اذا للنوم ما خلدوا
الست من تعلمتم بان العود محمى بحزمته ضعيف حين ينفرد
لماذا الفرقه الحمقاء تحكمنا
الستم من تعلمنا على يدكم ان اعتصموا بحبل الله واتحدوا
لماذا تحجبون الشمس بالاعلام
تقاسمتم عروبتنا ودخلم بينكم صرنا كما الانعام
سيبقى الطفل في صدرى يعاديكم
تقسمنا على يدكم فتبت كل ايديكم
انا العربى لا اخجل
ولدت بتونس الخضراء من اصل عمانى
وعمرى زاد عن الف وامى ماتزل تحبل
انا العربى في بغداد لى نخل
وفى السودان شريانى
انا مصرى موريتانيا وجيبوتى وعمانى
مسيحى وسنى وشيعى و كردى وجرزى وعلوى
انا لا احفظ الاسماء والحكام اذ ترحل
تشتتنا على يدكم
وكل الناس تتكتل
سئمنا من تشتتنا وكل الناس تتكتل
ملئتم فكرنا كذبا ووتزيرا وتاليفا
اتجمعنا يد الله وتبعدنا يد الفيفا
هجرنا ديننا عمدا
فعدنا الاوس والخزرج
نولى جهلنا فينا
وننتظر الغبا مخرج
ايا حكام امتنا يبقى الطفل في صدرى يعاديكم
يقاضيكم
ويعلن شعبنا العربى متحدا
فلا السودان منقسم
ولا الجولان محتل
ولا لبنان منكسر يدواى الجرح منفردا
سيجمع لؤلؤات خلجينا العربى في السودان يزرعها
فينبت حبها في المغرب العربى قمحا
يعصرون الناس زيتا في فلسطين الابيه
يشربون الاهل في الصومال ابدا
- رومنسي هشام الجخ
- صور عليها كلام لي هشام الجخ
- كلام هشام الجخ
