كلمات راب قويه , احلي كلمات دى ولا اية ⁩

كلمات راب قويه

البارت الاول :

ياريتهم يسوون اللي نحن سوينا
اشكالهم زادت ياما امثالهم داوينا
كوينا شوينا وصار اللي صار
اعصار التهور قام يلفلف فينا

عرينه الاسد ما تدخله وانته صاحي
وقالها الكلب حاسب من نباحي
القوه بالافعال مب بالهذره الزايده
صايده حتى لو توسل قال اطلق سراحي

ما بهده لو صاح دم بعد ما ندم
ندامته ما بتفيده من العدم
كم جنو عنفوسهم عندي رؤوسهم
ذكرى في العرين رؤوس بني ادم

خطوه تفكيرك قطتك فبحر دامس عميق
بدال ما تنش تطيح وبدال ما تطيح تفيق
انته صادق جذبت انته جذاب صدقت
ما بينفع ايه جذبه ولا ايه تصديق

الكورس :

عاده فيني مطبوعه
انا مثل النار وفروعه
عمره ما سكت جوعه
ماحد يدري شو موضوعه

كلمه ثانيه واقصله حلجه
لين ما يقعد ويترجى
بنسيه انا كل البهجه
ما عرفوني انا انا بو كلبجه

البارت الثاني :

اللي يفكر انه يحط عقله بعقلي
بشرب من دمه وبخليه يقولي بقلي
بخليه يمرض مرض نفساني ثاني
مرض مب مكتشف واكتشافه يحقلي

دقلي الجنون ويقوللي ظهرلهم زياده
مكاني في المصحه مهب في العياده
افكاري تمرض لخط النهايه تعرض
لون الفكر اسود وغامض فسواده

عاده ما تتبدل مطبوعه فيني طبع
انا مثل النار عمره ما عرف الشبع
امسح الخضر واليابس وقت مابى
واعطيك فرصه قرارك من الثواني السبع

استغل كل ثانيه بحكمه شخص واعي
وعيك دخلك مكان اخس من جحر الافاعي
العرين لو يتكلم بيغير نبضات قلبك
حاسه يقول منهم ياليت يزيد اتساعي

البارت الثالث :

اذا فكرت بس فاول حرف من اسمي
بتفتح باب صغير والباب هذا يعمي
باب الظلام مغبر من اعوام
انا قتلك اذا فكرت هذا غير نطق الكلام

وهذا هو الباب من اصغر البيبان
حتى لون القفل ابد ما ينبان
كل السموم عالقه في المقبض
ديدان كوبرا حيه حنش وثعبان

وبصفقلك اذا اجتزت اول اختبار
واضرب كاسي فكاسك وقعده في البار
واذا رسبت هي فرصه وحده وبس
واذا راحت عليك فعريني بتنحبس

وبتناظر الموت بعينه وعلمه
وافتتاحيته بتبده من المقدمه
ذكرى في العرين رؤوس بني ادم
بشل تشكيله ويهك وبحتفظ في الجمجمه

كلمات اغاني رابح صقر