كلمات اغاني كاظم الساهر القديمه

(( دقه الساعه للسفر ))
دقه الساعه للسفر وانتهى وقت النهار
بلحظه اودعه واعتذر وبتعب صوت القطار
يا سحابه تدور بيا .. ياظروف البيها انا
غلطه محسوبه عليا .. ماخذت بيها قرار
راحت عيوني وراه تلمس ايده بالوداع
ظلت ظنوني برجاه تطلب شويه انتظار
المحطه بدت سكته وانتهى وقت السفر
وين رايح ماسالته باي ارض عنوانه صار
كلمات : كاظم الساهر

(( ياعودي ))
اريد اعزف على اوتارك ياعودي
واخلي الدمعه ماترحم خدودي
ابين حرقتي بيك وبناري اكويك
وخلي اللي مايحن يبكي علمودي
قضيت العمر بس انت واني
احكيلك على حالي واحوالي
هم واحد سمع؟ لالا
هم واحد ذكر؟ لالا
حتى اللي شلته بعيوني نساني
اريد اعزف على اوتارك واغني
واسمع شكوتي للي ظلمني
اصرخ صرخه مجنونه
واصحي النامت عيونه
واكول الله اكبر على اللي ظلمني
كلمات : كاظم الساهر

((الوداع ))
صعبه علي اودعك وارجع مع جروحي
صدق انا وروحي معاك يا اغلى من روحي
اه اهاتي تحملني .. ادعي من الله يصبرني
على حمل الهموم على حمل الفراق
كل ساعه كل يوم كل لحظه اشتاق
راحل ومودعكم رحله طويله وصعبه
ادري بحالي عنكم ماترحمني الغربه
قد لا عساه الذي فرقنا خله الحواجز بينك وبيني
بحر الهموم القاسي غرقنا وينك حبيبي يانظر عيني
وحدي وذكرياتي وليلي وعودي وشمعي
محتاجك حياتي بيدك تنشف دمعي
قد لا عساه الذي فرقنا خله الحواجز بينك وبيني
بحر الهموم القاسي غرقنا وينك حبيبي يانظر عيني
كلمات : كاظم الساهر

(( الاختيار))

اتحمل اخطاء اختيارك .. حاول بنار تطفي نارك
امشي فوق الجمر انت .. زيدت بيدك عذابي
الدمع مايفيد ابكي .. شنصحك مليت احكي
لا تقول ارضى بقسمتي .. هاذي اخطاء اختيارك
اتسرعت ليش بقرارك .. تخلق لنفسك اعذارك
شوف تاليت عنادك .. الندم والهم حصادك
كلمات : كاظم الساهر

((بقايا انسان))
مابيا شي يحترق اني رماد الان
لا جمره بيا بقت ولا خيط من دخان
صدقني حيلي انتهى اني بقايا انسان
يوم اللي كنت محترق عن حالتي اتخليت
حتى ولو بالكذب ايدك فلا مديت
لا تظن اسمعك عتب واسالك شو ماجيت؟
نزل ستار المظى موعد رحيلك ان
لا تقلي يلا ابتسم واني مرد ممرود
الحزن حزن القلب مو بالثياب السود
خليني وبحرقتي بهمي انا موعود
نزل ستار المظى موعد رحيلك حان

كلمات : كاظم الساهر

((ضريبه العشره ))
ضريبه عشرتي وياك ادفعها كل يوم
اتعابي دم ودموع من غير الهموم
شاللي يجبرني واستمر وياك؟
انت حارقني كل شيبي من وراك
احلى ايامي بيدك ماتت
شتموت بيا تريد اكثر؟
خليتني متيه خطواتي فوق الهم امشي واتعثر
خلصت عمري وياك من كلشي محروم
اريد اصفي حسابي وابتدي بيك انت
يكفيني ماشفته منك ياحياتي
احزن وافرح .. مايهمني مره افشل او انجح
خليك بمكاني واشعر بماساتي
وشوف شكد اعاني منك ياحياتي
تفرح لحزني وبيا تتسلى
شكرا حبيبي سامحك الله

كلمات : كاظم الساهر
********************************

البوم (افرح)

(( هدد ))
هدد كسر حطم دمر والعب على اعصابي
ثور وحول بيتي جهنم وسمع كل اصحابي
يا بشر شي يغيرك
بيا لغه نحاكيك شككتني بنفسي يا خيبتي بيك
بالبيت لي سجان مستبد برايك
هم مثلك اني انسان .. مو بامرك وبنهيك
مر وجرعتك غصب وما يوم مرك حل
عشره وصفت مشكله ويئست من كل حل
اسمعني لا تنسحب موعد حسابك حل
عقلها واصبر بعد حيل انتهى حيله
يالل في الهم لو تظل همك علي حيله
جيتك بكل الطرق ما بقت اي حيله
صح احنا داخل بيت بس كلمن بهمه
شي اللي بعبوديتك انت علي نقمه
شكاك مالك ثقه و بداخلك مهزوز
التضحيه من طرف واحد ابد ما يجوز
اني مو لعبه طفل وبغرفتك محجوز
روحين انتو بجسد على الحلوه والمره
اتصالحوا اتسامحوا طلعوا الزعل بره
لا الموت من عشرتك اهون الف مره
كلمات : كريم العراقي

(( هذا اللون ))
هذا اللون عليك يجنن يشبه لون عيونك

نظرات العالم ما تطمن احذر لا يحسدونك

يسلم هالطول وهالنظره وهالجسم المنتاسق

اكثرهم معجب بالمره وبيني وبينهم فارق

اولهم اتقدم واعلن اولهم مجنونك

لو جمعو لوحات العالم حتى المونليزا

ميزه بوجهك انت الاجمل من يحمل هالميزه

احسن رسامين العالم يتمنوا يرسمونك

تتقصد تبطا خطواتك من تمشي بشارعنا

لا تنكر افهم حركاتك ما ممكن تقنعنا

اكثر من اعجابي اعجابك ومبين بعيونك

كلمات : كاظم الساهر

(( مالك معزه ))
مالك معزه بعد امشي ابتعد عني

كل شي انتهى وللابد لا تقترب مني

قدامي ما اصغرك .. كابوسي لا اتذكرك

ياللحالي ما اثرك .. حالك تاثرني

طيرين كنا بغصن .. ما شالنا احنا اثنين

زيدت حزني حزن .. قابلت زين بشين

مين يرتضي هاللظلم لا تبرر اني افتهم

وياك ليش التزم وبكل شي خاذلني

بيدي سقيتك عسل بيدي انكسر كاسك

انت الل بعت صاحبك .. انت خسرت ناسك

مين يرتضي هاللظلم لا تبرر اني افتهم

وياك ليش التزم وبكل شي خاذلني
كلمات : منذر كريم

(( لا تحتج ))
لا تحتج على حكمي يا جاهل
بعدك ما شفت ظلمي بعدني وياك متساهل
قليله في حقك القسوه قليله ياللي ما تسوى
ظل اسمعني للاخر .. ظل اسمعني يالماكر
متحملك وصابر بما فيه الكفايه
بيه من الالم بركان .. ما يتحمله انسان
بحر هموم بحر احزان
يا صبري وعنايا
لا تحتج يا جاهل اكثر انت تستاهل
لا والله مو مسكين .. لا تشكي ولا تتظلم
انت بالظهر سكين .. انت من الظلم اظلم
قلت لك عمري لعيونك
وافضل موتي من دونك
معبودك ومجنونك .. وعندك واضحه الصوره
ردتك مره تتغير .. مثل الناس مو اكثر
كل الحجي ما اثر .. املي بجره مكسوره
قليله في حقك القسوه قليله يا للي ما تسوى
لا والله ما تسوى قطره من دمع عيني
اه واه على عمري .. على كل لحظه من سنيني
كلمات : كاظم الساهر

(( يا دنيا ))
يا دنيا انتي الحرمتيني من اهلي
سكنت الغرب.. غصبن عليا
ادق يا باب و اسال من عليكم
ضعف صبري و زماني خان بيا
شوصفلكم غربتي؟؟
صدري مخنوق.. صوتي مبحوح
دفنتوني بغرب و تعالج الروح
غريب.. غريب و كل غريب يتذكر اهله
الام الحبيبه .. والدي الحبيب..
اخواني احبابي اصحابي.. جيراني
في البيوت.. وك من غيركم دنياي تابوت
عذاب فراقكم.. عذاب فراقكم كنه المنيه المنيه
هلي.. يا بعد روحي هلي..يا بعد عمري هلي
مكاني اللي احبه بعده موجود..؟
حديقتنا بعدها محمله ورود..؟
بعدها صورتي تتوسط البيت..؟
و الاغاني اللي احبها من الطفوله
لناظم الغزالي.. و للقبنجي حنيت
للمقهى القديمه و شاي ابو الهيل
ابوذياتنا.. مقاماتنا.. عتاباتنا..وسحر المواويل
بحضن دجله الزوارق هايمه تطوف
و نيران الشواطي.. و سمك مسجوف
الله ينتقم منك يالايام
.هلي الطيبين ضاعوا من اديا
بايش اعوضهم يا ربي؟؟
و انا قلب الطفل قلبي…قلبي
من يجي براسي هواهم يحرق ثيابي اللي عليا
من يجي براسي هواهم
اقرا ايات و دعائي حنن الغربه عليا…
كل صوركم بكت يمي
افرجها ربي شلون بيا!!
!حقي لو اضعف..حقي لو اضعف
شسوي ..؟ الارض مو ارضي..
الناس مو ناسي..الجو مو جوي
يصير اذل نفسي و اشكي لعدوي..؟
يا دنيا انتي الحرمتيني..
اخذتيني من اهلي
سكنت الغرب من غصبن عليا..
ادق يا باب و اسال من عليكم..؟؟
ضعف صبري.. و زماني خان بيا
كلمات : كريم العراقي

(( ونيت من لوعتي ))
ونيت من لوعتي ونه باثر ونه
دق الحديد بحديد واسمع اله رنه

دمرني هذا الحزن لوين ابقى اون
مشكلتي عندي قلب بس ينجرح غنى

يا قلبي بسك تون ونك هدم حيلي
كلما ردت اشتكي القاك تشكي لي

اتقلب على الجمر وانت تغني لي
لا تلوم قلبك بعد هذا اللي يجي منه

تشيل على راسك جبل ما تحمل المنه
مو دمرني هذا الحزن لوين ابقى اون

قالوا لي لا تنهضم قلت اني من صغري
وني خفي وعبرتي تتكسر بصدري
بين الصبر والسهر خلصت كل عمري

لا تلوم قلبك بعد هذا اللي يجي منه
تشيل على راسك جبل ما تحمل المنه

مو دمرني هذا الحزن لوين ابقى اون
مشكلتي عندي قلب بس ينجرح غنى
كلمات : كاظم الساهر

(( افرح ))
افرح واتالق بالسهره
الجو هادي الليله قمره
اتشجع اتقدمني خطوه
يا خجول الجراه حلوه
نفرح الكل على الموائد
ابد ما نستثني واحد
اتقدمت لك يا حبيبي واقف ! يالله فرحني
نفرح الكون بارضه وبحره
يالله بادلني الشعور .. اتواضع ويكفي الغرور
بارتباكك وارتباكي بينا حس كل الحضور
بالخوف اتهامسنا .. ورجفت ملابسنا
شما نخفي مكشوفين
عين الله تحرسنا
اتشجع اتقدمني خطوه .. يا خجول الجراه حلوه
نفرح الكل على الموائد
ابد ما نستثني واحد
عن شمالي وعن يميني
الناس تتبادل حنيني
شخص نبهني ابستم لي
الحفله خلصت يا حزين
اتجمدت على الكرسي
وغرقت في ياسي
فجاه تركني وراح .. ابكي على نفسي
انتظر هو اللي يبادر .. وهو كتله خوف صاير
من جديد ارجع لداري .. القى همي بانتظاري
الفرصه ضاعت لا يا روحي
برحله او سهره او صدفه يمكن القاه
ويمكن اخسره
كلمات : كريم العراقي

(( ما طار طير ))
ما طار طير وارتفع الا كما طار وقع
بينك وبين التواضع خيط واهي وانقطع

كلنا من ادم وحواء وين الفرق احنا وياك
ما دامت الدنيا الك فقرك اول اغناك
دنيتك ال ورقصك رقح وهجع

هالغرور انزرع عندك .. ذنبي فضلتك عليه
اغلى ما املك من احتاف هي نقطه ضعفي هي

عيشتني وسط عالم خالي من كل المشاعر
ما تلمكم بس مصالح والتبرج والمظاهر
يا هوى بشبك انتو وعمره ما انتم وانجمع

صادق وياك احتضنتك يشهد اليوم الل جمعنا
اتعلمت مني الرمايه سددتني بقلبي طعنه
اجني مما زرعت يمينك
يجني كلمن مما زرع
كلمات : عزيز الرسام
********************************

البوم (شجره الزيتون)

(( شجره الزيتون ))
ياشجره الزيتون يمتى يجي الغالي
شقد ناس يحبون ما حد مثل حالي
ناطر واعد هموم كل اليوم اقول اليوم
يمكن يجي الغالي يمكن يجي الغالي
لا قطع واقطع ظنه لا قطع واقطع ظنه
لا خبر يوصل عنه لا خبر يوصل عنه
لو راد اله اتعنى لو راد اقطع الربع الخالي
ياشجره الزيتون يمتى يجي الغالي
شقد ناس يحبون ما حد مثل حالي
ناطر واعد هموم كل اليوم اقول اليوم
يمكن يجي الغالي يمكن يجي الغالي
لا مسافر وباكر يرد لا مسافر وباكر
لا مبتعد حتى ابتعد لا مبتعد حتى ابتعد
شتريد قلتله يا ورد قلي البحر عالي
ياشجره الزيتون يمتى يجي الغالي
شقد ناس يحبون ما حد مثل حالي
ناطر واعد هموم كل اليوم اقول اليوم
يمكن يجي الغالي يمكن يجي الغالي
كلمات : اسعد الغريري

(( طال السفر ))
طال السفر وانت بعيد
يابو سوالف تغريد
الي غفى بعينه السهر
غير المواصل شيريد
دايم اذا دام البعد
لا انا ولا انت سعد
صدقني كل ما تبتعد
حبك مثل ناري يزيد
ياهي يابو مبسم ورد
مرن سنينك وانا اعد
من يوم ما ردت البعد
ما صافحت بعدك ايد
كون القى قلبك واساله
من الي جرالي اش حصله
كل محب عيده موصله
شو بس انا مضيع العيد
طال السفر وانت بعيد
يابو سوالف تغريد
الي غفى بعينه السهر
غير المواصل شيريد

((على حالي ))
على حالي وخليني بحالي
يا حبي الاول والتالي
بس انت نصيبي من الدنيا
لا تبتعد خليك فبالي
يا رايح عني وما رايح
شو وصلك وفراقك جارح
واجب على الي يحب يسامح
يا اجمل كل نغمه وغالي
على حالي وتسلملي عيونك
واحلف ما اصبر من دونك
زين اريد اسال انت شلونك
يا ساكن روحي وموالي
اسكت وتحكيني السكته
ماظل شيء بحبك ما قلته
لا اني الحالي ولا انت
رايح ومخليني بحالي

(( هالليله فرح ))
هالليله فرح والناس حلوين
واحلى من الفرح ماشافت العين
هوى الاحباب مر بينا
رسم باشواق اغانينا
ومثل مارادنا صرنا حبيبين
ياعود البان يالتمشي بهيده
اخذ مني العقل والروح بيده
تعال نسافر الى دنيا يحبون
ياحلوه الناس من حبنا يغنون

((انا وحبيبي))
انا وحبيبي ياهوى
نفرح سوى ونحزن سوى
قلوبنا بلون الندى
ووجوهنا لمبه ضوه
داير مداير كل دار
ازهار تضحك لازهار
والله من كنا صغار
نحلم ونتمنى سوى
داير مداير كل عين
معامل وبساتين
كل شبر بالبر وبالنهرين
جنه الدنيا ياهوى

(( احسبها علي))
احسبها علي غلطه مو بديا
ما يرضيني تزعل لو عني ما تسال
وانت ادرى بيا
هي زله لساني وما تنعاد ثاني
اراضيك بثواني والله
لو تزعل علي
يا اغلى من عيني منتظرك تجيني
من روحي وحنيني والله
جايبلك هديه
احسبها علي غلطه مو بديا
ما يرضيني تزعل لو عني ما تسال
وانت ادرى بيا
كلمات : كاظم الساهر

((وحدي محتار))
كل يوم اروح وارد وانتظر موعدنا
كنا حمامه وغصن والزمن بعدنا
ذكرى حبيب ومحب خلى الدهر عدنا
زهره ونسمه عشق وبكل كتر صرنا
بس ليش يا منيتي تتبع عدوا وتنسى
يالي عفتني وحدي محتار
انتظر جيتك على نار
احبك رغم ما بيك
واريدك رغم ماصار
يالي عفتني وحدي صابر
بين هسا وبين باكر
لو الي وياك خاطر
ما تتركني على نار
يالي تتركني لقدر مجهول
مشيت بغير ما تقول
اخاف غيابك يطول
وانا بعدك على نار

((احتار))
احتار شحجي وياه لو حاكاني
ياعيني عليه من يبتسم الله الله
الورد بالخد ينرسم ماشالله
هم هو مثلي بحيره لو بس اني؟
خوفي عليه ياصحبتي من عيوني
من نظرتي من لهفتي من ظنوني
كل لحظه كل ساعه تمر قلبي عليه
هو حياتي ودنيتي وامري بيديه
احلى الصور بعيوني سحر عيونه
الشعر ليل يموج فوق متونه
كل لحظه كل ساعه تمر قلبي عليه
هو حياتي ودنيتي وامري بيديه

• كلمات اغاني كاظم الساهر القديمة
• كاظم الساهر قديم
• اغاني كاظم القديمة
• اغاني كاظم الساهر
• يسلم هالطول و هالنظره
• كلام الناس كاضم الساهر
• اغاني كاضم الساهر القديمة
• اغاني قديم كاظم
• كاظم قديم
• لا لا تقولي عني اليوم ما بيك