كلمات اغاني ميحد حمد 2024

وين القمر يا سعيد
ما بين بالسفر

شوف الظلام ايزيد
من حولي والخطر

وين الذي اريد
لي خذ قلبي او اسر

مازال وصله ابعيد
ما يا ابراس الشهر

بيني اوبينه بيد
اوعالي اجبال اوبحر

مر الفرقى شديد
اولي بي ادهى او امر

سيدي وسيد الغيد
في معركته انتصر

قيدني بالحديد
اوبتعذيبي امر

عسن صبري ايفيد
الله مع من صبر

ياسعيد عندي العيد
شوف الظبي العفر

لو تفرق بيننا سود الليالي لو يحول الدهر وصروف السنينا
لا حشا منساك لو طال المطالي ف الحشا مطبوع رسمك يالضنينا

انته عمري يالغلى من كل غالي وانت شوقي يامنا قلبي الحزينا
العمر يفداك مع حالي ومالي في هواك يهون كل صعب مهينا

لو جفوني الناس واقرب الاهالي ماستمع قول الحسود الواشينا
حيث قصرك فالحشا شامخ وعالي ساكن ودك بقلبي مستكينا

ياغناتي ياشقا قلبي وحالي يادوايه وبلسم الجرح الدفينا
ياغزال مرتعه روس المفالي ياقمر وضاح في نوره يبينا

عالوفا باقي وعنك هوبسالي لك عهد والعهد عندي مايشينا
لاتظن انساك يالغالي محالي لين روحي والعمر عندي يحينا

لين جسمي يندفن تحت الرمالي وارتحل من دنيتي واصبح دفينا
لك سلامي يالضنا ختم المقالي عد ما نسنس هوا الغربي زفينا

كم عنيت وجيت متوله
مقصدي ياشيخ روياكم
ما حصل لي حده في الحله
يخبرنيه وين سكناكم
باعني لو كنت ما دله
ما اتحمل طول فرقاكم
ليت عندي رقم بسجله
تيلفون اقراه وانصاكم
يا اديب العصر لك حله
ما حلت داري ابلياكم
لك محل بالقلب ما خله
من قبلكم حد شرواكم
كم فضل كم جود لك كله
ما نسينا طيب حسناكم
من معادن جود واهل له
لا خلينا من مزاياكم
انتم اهل له وفضل له
الصخا من يوم منشاكم
لو يطول البحث ما مله
في الادب والشعر هوياكم
كم قول قلت في حله
من معاني الشعر يعناكم
انتم اهل الدار والحله
كم حوت من خير دنياكم
ذا يواب امحب متوله
يملكه الاحسان لي ياكم
يشكر الله ثم شكر له
مثلما قبله شكرناكم

ما دريت اني بحبك مادريت
لين شفتك وانشغل قلبي بحبك
اوماعرفت اني على دربك مشيت
غير لما تاه قلبي وسط دربك
من هويت امن العلالي لك هويت
مثل طير صابتهنيران حربك
لا تعذبني من الود اكتويت
اوما اريد الا اعيش العمر جنبك
من نظرتك اول النظره ابتليت
اولي بلاني هو ذنبي اهو ذنبك
غصب عني في محبتكم بديت
خذ قلبي وحطني في وسط قلبك
يافريد الحسن مثلك مارايت
اوماخلق شرواك في هالكون ربك
نور ياضي من جبينك لي بديت
والليالي في دياجيها اسفرت بك
ياكبر حظي متى عني رضيت
والسعاده تكتمل عندي بقربك
حالف ما انساه فضلك ما حييت
والحياه ابلا طعم يا غر عقبك

قريت الحب في مقله عيونك
وعيني فسرت قصد انظراتك
وغضيت انظرات العين دونك
مخافه تكشف النظره عداتك
اذا شكوا بحبي يزعجونك
وانا ما ود تتعكر صفاتك
خفوقي هام في لجه فتونك
وطبعت المتيم في حلاتك
قمر خمسه عشر لونه ولونك
تشابه بس جذابه شفاتك
اذا تنطق باسمي قلت عونك
اريح القلب نغمات اكلماتك
اشوف العمر ليس العمر دونك
وتحيا الروح من ريح انسماتك
غروب الشمس في عالي جفونك
ولون الورد من لون اوجناتك

تمنيتك اتشوف الجرح الاول
قبل تجرح فؤادي جرح ثاني
غيابك عن عيوني ليه طول
وانا اعد الدقايق والثواني
حبيبي من نظر حالي تهول
ولا ركز علي اترك مكاني
الاول ليه بغيابك اتحول
وقلبك ليه يا عمرى نساني
تجول حبك بقلبي تجول
سري بعروق قلبي وبكياني
علي عهد معاك القلب مول
سنين العمر باخلاص وتفاني
عقب عزه معاك الحظ معاك حول
شكيت الحال من قسوه زماني
الى شفتك ابا اشرحلك من الاول
عن ظروفي وعن خافي حناني
علي شاشه عيوني اللي زول
خيالك ما عطي عيني الظماني
تمنيتك اتشوف الجرح الاول
قبل تجرح فؤادي جرح ثاني

بعدك عذاب او قربك اعذاب
ونته سبب ياللي حصل لي
اهاب لوني قلت ماهاب
متهوب وانته ابتجلي
ماسرت لك في الحب باحساب
ابدا ولا سرته بمهلي
بالدوب تمشي على داب
وانا لك امشي بالعجلي
امعاكساتك لي بلا اسباب
ماادري دلع والا تغلي
مسموح لو بتدوس العتاب
لو با بتزيد ما بملي
لك العمر بتقضى في اطلاب
اطلب رضاك وبستذلي
لو با اتغلج دوني الباب
لك باب قلبي طلج حلي
لك ناظري بالدمع عباب
والحال مالفرقى استعلى
من عوق وسط القلب ما طاب
جنه الا طب انعمل لي
مصطاب والي يحب ينصاب
هذا الهوى او حكمه عدلي
الحب هبت ريح واعجاب
ماهوب درب للتسلى
ما احمل انا هجران لحباب
ابلا سبب منى وزلي
في شفهم بادوس لصعاب
اوبصبر على حمل الثجلي

شط الحشا من شط به والقلب مني صوبه
واللي مريح ولا دري لي حل بي ماحل به

حل ابحشايه يا ملا حب الحبيب وابتلا
والقلب دونه ما سلا شط الفواد وعذبه

عذلت قلبي ماصبر عن راعي الطرف الحور
يلي جبينه كالقمر يزهي بشله حاجبه

ذوب فوادي واملكه في وسط غزله شربكه
يا ناس ماروم الحقه عوقي غبي منه سببه

عوده عويد الشادني مرباه داري ووطني
يا ناس حبه صادني صيد الوحش في مجلبه

مجبور جبر المبتلي في حب خلي العدملي
واللي يلومني خلي لي حل بي ماحل به

حد مثلي بات مشجنه
حلم طيف مر خطافي
واغتنم من وجدي الونه
يوم كلن بالكرى غافي
جرح في جاشي امخفنه
والخوافي ضربهن خافي
لي محب منى اومنه
حب مثل الجوهر الصافي
ليت باينقل لي المنه
جان قدره عنديه وافي
والوفا من فني اوفنه
بينا ما يمشي اخلافي
حيث لنه بالعرب سنه
خص عند الناس لاشرافي
يانديبي وصلكم جنه
والبخت لي هوب مسعافي
حاليه يا زين مدعنه
من ودادك منقل الحافي
لاتخيب فيك من ظنه
خير وانتوا حق وانصافي
انت فرضي لي امصلنه
وانت وردي وانته اتلافي
يعل يود السحب لمدنه لي
برقها بات رفافي
والرعود امسويه حنه هل
واسقى ذيج لاطرافي
لين ينبت وين واطنه
بالزهور امعزل الجافي
بوخدود فوعه اسمنه
يسفرن من شيل ارهافي
جان جتلي مستحلنه
لو على جتلي انا شافي

لا تذكرني بحبك يا غناتي
ولا تذكرني بماضيك الجميل
في صدى ذكراك بقزر حياتي
مستحيل احب غيرك مستحيل
انت عمرى وانت اغلى ذكرياتي
وانت في قلبي ولا غيرك خليل
انت عيني لي بها شفت البهاتي
وانت لي في مقله عيوني نزيل
لو تقضى عمرنا الوردي وفاتي
وانقضى وانزاح شروى حلم ليل
تصبح الاطلال في فكري وذاتي
في الضمير اتعيش لا يمكن تحيل
كم تذكرتي السنين الماضياتي
لي تلاقينا بساعات الاصيل
كم على ذكراك هليت عبراتي
وانت عني يا منى عمرى ذهيل
صار عمري حزن وايامي حسراتي
والفرح من دنيتي شد الرحيل
كنت محبوبي واغلى امنياتي
صرت فجاه يالغلا عني دخيل
حسبي الله عالذي سبب شقاتي
لي سقاني المر عقب السلسبيل
اللي بعد مجراك عن مجرى حياتي
وافرقك عني بعد عمر طويل
يا حبيب الروح بكتبلك وصاتي
ان غديت اليوم في حبك جتيل
انشدك بالله لي طفت برفاتي
لاتخلي دمعه عيونك تسيل

ياعين كف الدمع مني ولو يوم
صبري على مر الدهر لو شقاها
مترا الدمع ياعين وصلج الغيوم
غيم على غيم يعتم سناها
عييت من شكواك في ساعه النوم
نوم يشوق ناظري في كراها
لو ييت اخفى مابدالج فلا رووم
منج تناثر وابل الدمع ماها
حتى وبر الصبح نشيت مغموم
انادي على من سبب كان با
بلا من بلاني ف العمر خط مرسوم
رسم مسجل ف الصدر ما محاها
انا بوده صابر في الدهر دووم
دووم على دووم وروحي فداها
هاذيج اوقات مع الخل محتوم
مرت كما برق لمع في سماها
تركلي من الفرقى شوم على شوم
كما رسم وسم دمي في دماها
طونه خيوط الدهر صار مبروم
برم السدي لي وثقه في سداها
ياعين كفي وافهمي الحظ مقسوم
جسمه من المولي يبري براها
لابد في الاوقات تنصفج لو يوم
وتشفي جروحج قطره من دواها
اداويبها روحي من غير مفهوم
لو كان بشرب حنظل البر ماها
لذيد على جبدي خافي ومكتوم
تصفي ولو تدلخ علي صفاها
عسى الله ياعيني لج الحظ مقسوم
مع احباب واصحاب يجرب خطاها
هذاك وين النفس ترتاح ياقوم
قوم من الضيفان يردوا ثناها
ياعالي الخود واسمك عالي دوم
واسمك بفعلك معتري في نداها
عسى الله يجمعنا على خير الوسوم
نفرح بشوفج مع جديد لفاها

اهداء لاغلى البشر L

والله اني احبك رغم كل الظروف
رغم كل المتاعب والاسى والجراح
ما نسيتك دقيقه يا بهي الحروف
يا سمو المعاني يا مليك الملاح
انته زهره حياتي بالغزال الهنوف
وانته منهج غرامي وانته فال الصباح
يارقيق المشاعر الخجل منك خوف
يا دلال مدلل بين جد ومزاح
القمر من جمالك صار عنه كسوف
من جمالك يغني لك هبوب الرياح
انته عين الحقيق وانته سلس الوصوف
انته نجم الليالي ما ابد يوم طاح
الامل في ايدينك واقعي لو تشوف
اتمنى في قربك غايتي وانشراح
والليالي بدونك اشهد انها تعوف
مالها جبر خاطر مثل كسر الجناح

ياشوق الايام تجبل بي وتجفي بيوانا على سرجها تحطم اعصابي

اسرح مع الفجر والا الليل يسري بيوانجومها الساهره تسهر على بابي

تتوحد هموم فكري لاجل تعذيبيواصدها بالصبر واتنوخ رجابي

في غابه موحشه محد يدريبيوحوشها ضاريه وتضحك بالانياب

ان هشت هاشت وعدتني مشاريبيوان يتها بالسيس فيها الرجا خابي

الحظ عاند يلبيلي مطاليبيوازرابي الدهر ما تسترني ثيابي

لا تلومني يالغلا وتزيد تانيبيما نزل الراس لو زادي من ترابي

ماني من اللي يبيع ناسن شروني…افديهم بروحي ولويخطوا ابا اعذرهم

كافي بحياتي ناس احبهم واتركوني…اخسروني وانا تمنيت مااخسرهم

هاتوا القلم بكتب وصيه ناس خلوني…ناسن لهم قدرن بقلبي بس بتركهم

كانوا حياتي وكل مافيها وهدوني …الناس حسدتنا وقالوا ياربي فرقهم

مع السلامه للابد ياللي نسيتوني…كانوا حياتي وكل حياتي قبل اعرفهم

ولماتلاقينا افترقنا يوم ملوني…عافتني الدنيا ولا لي غير انا اهجرهم

وداعه الله ياروايه ناس اجفوني…قررت اسافر للابد لجل مذكرهم

كتبوا على قبري هم اللي نسوني…كانوا يحبوني وكنت انا منهم

بس افترقنا للابد يوم باعوني…ماضنتي راجع بيوم انا لهم

مع السلامه ياللي كنتواتحبوني…رحتوا وبقول الرب يحفظكم

وينه زمان الحب يوم عفتوني…قلبي حزين يوم انه بيذكركم

حرام ليش انتوا ودعتوني…ماحد يفهمكم مثل ما انا افهمك