كلمات اغاني صلاح بن الباديه
الشوق و الوطن ( يا جنا )
كلمات : هاشم صديق
غناء : صلاح ابن الباديه
يا جنا يا جنا يا جنا يااااا جنا
****************
في بعادنا عن ارض الحنان الليله مرت كم سنه
يا ريت نعود للدار سراع نرتاح تحت شتل الهناء
واشوقنا لنخل الفريق الضامي في صدرو الجنا
للحلوه ام وجها قمر ضواي مورد بالهناء
********************
الليله زارتنا الرؤي المنسوجه من عمق الجذور
رسمت صور ضوت جمال وجوه الخيال عاشت دهور
افراح فريق يوم الحصاد وجريف يضم طينو البذور
وزغروده وصلت للسحاب وعريس معطر بالعطور
وجهاد فتح درب الصباح وشهيد ملفح بالزهور
وشباب بعز الارض شايل مبادئ نضال و نور
*********************
في مره طاف بيناالخيال بعد الغياب الطال جرح
شفنا البخور في الريح عبق و الليل شرب عطر الطلح
والغيم ربط فوق للفريق شافو الشتل شابا و فرح
و حدا الصريف قام الخدار حاضن صفيقات القمح
و القمره نامت في الرمال و الطين شرب نديان صبح
و الوادي فرهد بالخريف اخضر بقشو السمح
*************************
الفين سلام
يا يمه يا شتل المحنه الشب في وسط الجروف
يا يابا يا الدرع المتين الليهو كم سجدت سيوف
يا جده يا ام صوتا حنين حجواتا بالوادي بتطوف
ياالسمحه يا شمس الفريق الليها كم غنت حروف
في الغربه يا اهلي الحنان كم عشنا في قسوه ظروف
و اشواقنا لي ارض الوطن و لخضره الوادي العطوف
خلتنا كم ساقنا الخيال طار بينا لدارو الولوف
والفرحه غنت و صفقت و الشوق حضن شتل الجروف
‘فات الاوان’
فات الاوان والانكتب علي جبيننا الليله بان
اصبحنا اغراب نحن القراب لا رعشه لا لمسه حنان
—————————————————–
فات الاوان وما قادر اصدق انو نحن اواننا فات
كيفن سنين الحب تفوت يا داب ظلال افراحها جات
وكيف نفترق نقطع صلاتنا يوم ما بدت بينا الصلات
فات الاوان شيع غرامنا الاتولد ساعتو اللي مات
فات الاوان هات الدموع عبر صدي الماضل اللي كان
وفات الاوان والانكتب علي جبيننا الليله بان
—————————————————–
انا عشت من قبلك غريب ما عرفت تقدير الزمن
احبابي من قبلك دموع واصحابي من قبلك شجن
كان عمر حفلات من ضياع ما ليهو قيمه ولا تمن
ويوم ما عرفتك كان سنين العمر ولن وانتهن
فضلت اتحسر واقول ليه ما عرفتك من زمان
—————————————————
الله ..الله ..الله .. لحبي الاندثر يوم ما ظهر ما ضاق شباب
الله ..الله ..الله .. لقلبي الاحترق يوم انفتح للجنه باب
الله ..الله ..الله .. لشمعاتي الطفن يوم الظلام بالفرحه داب
الله ..الله ..الله .. لعمري الانتهي يوم ابتديت احسب حساب
وقول الوداع فات الاوان يا ريتو فات قبل الاوان
—————————————————
هدى بى ياشوق
هدى بى ياشوقى هدى**هدى بى قبال تعدى
انت ماملزمنى حدى بس تشيل فوقى وتودى
****
ماكفايه الغيبه دى الفيها كملت الخطاوى
ولا الدروب الطايله ديك اصلى عاد ماكنت ناوى
ده المقدر مابيديه اصلو كان مكتوب على
نمشى خلفك يااراده بس مكان ماتودى ودى
****
شوف عجايب الدنيا كيف وكيف بقيت بتحملا
بى اوامر الشوق رضينا واصلو لازم نقبلا
سوقى ياحنيه سوقى سوى ذى ماتسوى فوقى
يلا ياسكتنا عدى اصلو مابى الشوق يعدى
****
نحن شانك يامحنه نرضى مجبورين نطاوعك
ونفرش الازهار دروبك والمصير رضيان يبايعك
اى سكه نواصلا لم بكره نحصلا
يلا روح ياشوقنا عدى روح مكان ماتودى ودى
ننساك
ننساك انت انت بتتنسي
ما انت روحنا وحبنا
سا فرنا في عنيك ولسه قلوبنا بيك متجننهولقينا في دنيا العيون ياسمي من النور غني
كون من رشاقه وامسيات باقات انيقه ملونه
الحان طروبه وشوشات انهر موسيقي ودندنه
فاضت دموعنا عليك حنان وانت في القلوب دوبتنايا اغلي من نور العيون شايلات قلوبنا هوي
وحنان
اتوسد الافرا واغني الكون في ارجوحه جنان
اسرح خيالنا يطير يحلق يحلق بينا في عمر الزمان
واسقينا من خمره هوانا السامي نرشفو نحتسي
غا المساء والكون صبح عشاق جمال اتاملو
وكل الحروف الفي الخيال بي لهفه جاتو ما غلو
قالو الجمال يا غالي بيك كانت نهايتو واولو
ونحن في هواك يا غالي لا لا بنطيق بعاد لا بنحملو
اصلو المحبين الحنان لا بنسوا لا بتحولو
بحبك
بحلف لك بحبك وانا مخلص لحبك
يا حبي وربك اوعي تقولي لا لا
انا ساهر في دربك وانا هائم في حبك
يا حبي وربك اوعي تقولي لا لا
يا ساكن في بالي بحلم بيك ليالي
بس اعطف بحالي واوعي تقولي لا لا
حبي اليك صافي وحياتك يا جافي
لوعدك ما بتوافي وليه بتقولي لا لا
المريود
المريود شويه شويه نار الشوق كتيره عليا
المشتوله فرع البانه البيك الخلوق تعبانه
احمل حاجه فيك يا فلانه رسم الحنه ضواء بنانه
في عيونه الدلال والشوق وفي اخلاقه كل الذوق
ورتني النجوم الفوق وقالت ليا اصبر روق
في ايديها حلوه الحنه ماشه مع البنات تتني
لو قلبك علي انا حن كان دقينا باب الجنه
كلموها ما تنسانا الضيعت عمري عشانه
المن الحنان خجلانه يا ناس عندي ليها امانه
ساقيه جحا
انا اصلي يا عقد النجوم
في الريده زي ساقيه جحا
والكفه في ميزان هواك
صعبان علي ارجحا
*******
انا روحي بين افراح و هم
شوفيها كيف متارجحا
كل زادي في درب العمر
مصلايه في ضل الضحى
واسامي لما الليل يجن
امسك حروفا اسبحا
وانا في هواك درويش وحيد
وسنيني فايتا مروحا
*******
شايل شرافتي مع العصير
ارسم خطوطا وامسحا
انا لي حبيب حتى النسيم
لو زار خدودو يجرحا
لو طيفو زارني مع الكرى
يسعد رويحتي يفرحا
وريدتي البشيلا حجا وجحاب
في الهمسه ماني موضحا
لكن عيوني وقت تريد
ما ريدا دايما فاضحا
*******
الهدف
موناي ياهدفي تتحقق وارجع للوطن ظافر
كفاي غربه وفراق احباب وراك لي متين انا مسافر
سنين في الغربه متالم اعاني من العذاب الوان
اعيش في الليل بذكراهن وحيد بينن انا الانسان
اشيل الليل ضنى وتفكير وفي بحر اللهموم قرقان
اتوه في ظلمه شارد البال اسافر في الخيال سرحان
واحلم بالهدف مره اكاد اصحى واطير فرحان
وتصبح شمس يوم باكر اعود لي مراره الحرمان
صبرت على الهدف سنوات صبر ايوب علي قليل
اشيد في الخيال امال وابني قصور في مجرى السيل
وارجع تاني من اول ابني نفس البنيتو قبيل
وارجع من جديد السيل شديد بالحيل اهد واشيل
اظن يا دنيا بختي قليل وسؤ الحظ قصدني عديل
ومهما تعاكس الايام تجدني تملي جبل الشيل
مهما جنيت علي يا زمان وجارت قسوه الاقدار
عندي اراده ما بتلين عزيمه قويه بي اصرار
خبرتك يا زمن عشتك عرفتك الي الضعيف قدار
يا ما بكره تخضع الي وتزرع دربي فل وازهار
ما دام يا هدفي مؤمن بيك اكيد تتجاوب الاقدار
ياملك
صلاح بن الباديهيا ملك عايزنك ديمه تكون ملك
ملك عظيم يا زول
عايزين ديمه نشوف الملك
ده سور العالي المنشبك
يحمينا يا زول
حراسو بتمسك ما بتفك
بالموت دايرين نشوف الملك
لو جيت بعيد سور الملك
ده عبيرو بجيك فايح المسك
احذر حبو لا تنشبك
ده كتير الحباهو وهلك وما بهموا
الما قادرين يصلو الملك
قالوا الامير زي الملك
ده كذب يا زول
كيفن امير يعادل ملك
ده بعد الهلال من المسك
بكتير يا زول
لو شفتو مره بترتبك
انوار جلالو حرس ملك
تشيلك ي زول عفه وبراءه
وطيب خصال ودلال وجمال ملك
ده ملك عظيم يا زول.
الحرير ..
شعر ابو امنه حامد ..غناء صلاح بن الباديهوشوشنى العبير فانتشيت
وساقنى الهوى فما ابيت
يد الحرير ارتعشت بكفى
بكيت من رعشتها بكيت
صبيه … العطر يشتهيها
امذنب انا اذا اشتهيت …؟
جدائل الليل على كتفيها
تهدلت حولى فما اهتديت
اجمل منها ما احتوى فؤادى
فالعبق الصادح ما احتويت
حبيبتى اغروده العذارى
ورنه الافراح ان غنيت
حبيبتى انيقه العطايا
تهمى هوى اذا انا غنيت
لا تسالونى كيف كان الملتقى …؟
وكيف في دروبها مشيت …؟
وكيف طاف الثغر في ابتهال …؟
وكيف في محرابها صليت …؟
سر عميق حبها بقلبى
ما قلته للناس .. ما حكيت
فان روى القيثار سر قلبى
قولوا لها ما قلت .. ما رويت
لكنه حين بكى حنينا
بكيت من رقته بكيت
