كلمات اغاني مصطفي سيد احمد

قمر الزمان – الشاعر صلاح حاج سعيد

وكتبت ليك لا بيني بينك ريده لا قصة غرام
اخترت ليك اجمل حروف واصدق فواصل نادره في لغة الكلام
لا قصدي الهو معاك بي كلمات غنى
لا حروفي ليك مرجيحه من شعر الغمام
وكتبت ليك والله يا قمر الزمان
شان جيتي بي زمن المحنه
وشفت في عينيك حس اهلي القدام
وكتبت ليك وانا جاي من زمن الشقا
مرسوم على وش الثواني مظللا
تتمدد الساعات سنين
تتفتح الاحزان غريبه ومذهله
واشتاق افتش نسمه في الزمن العذاب
وايامي من كتر الاسى وكتر العزوف والاغتراب
صارت حروف مترهله
كلمات اسيفه ومهمله
وكتبت ليك وكتبت ليك
ووقفت ليك لامن لقيتك جاي في قلب الطريق
ولمحت فيك راحة المشاوير البعيده
ولفحة النسمه الحنينه الجاية من جوف المضيق
حسيت عجايب الدنيا اتلمت
بقت جاياني من عصر سحيق
عينيك حس اطفال بنادو القمره للغايب يعود
وجبينك الضواي حجا حبوبه في الزمن السعيد
يا قمره اقلبي السنسني الحمره شوفي ابوي جا وله ما جا
وانا في قساوه الزمن الموحش المكهرب بالحريق
انا حيلتي ايه انا حيلتي ايه قول لي يا قمر الزمان
غير اتكي واحلم معاك واحضن اماسي الصحو والامل البريق
قولي لي يا قمر الزمان انا حيلتي ايه قولي لي يا قمر الزمان

حاجه فيك – هاشم صديق

حاجه فيك
تقطع نفس خيل القصائد
تشده اجراس المعابد
توهتني .. تعبتني .. جننتني
جننت حرف الكلام
وبرضو ادتني السلام

حاجه في شرف المداين
وفي غرف كل السفاين
جوه في عمق المناجم والعيون

حاجه زي ما تكون محلق في العواصف
فجأة تهبط في السكون
حاجة زي نقر الاصابع
لما ترتاح للموسيقي
حاجه زي اخبار تناغم من جريدة
حاجه زي وتر الموانئ
لما يصدح لي سفينة
حاجه فيك لا بتنتدئ
لا بتنتهي
خلتني ارجع للقلم
واتحدي بالحرف الالم
واضحك مع الزمن العريض
وانسف متاريس الطريق
واعرف متين ابقي المطر
وافهم متين اصبح حريق

غدار دموعك – كلمات مصطفى سيد احمد

لا تنبش الماضى البعيد الم تكن
يوما لقلبى واقعا مجهولا
لا تنكأ الجرح القديم فإننى
و دعت ليلا مظلما و ثقيلا
وحملت روحى في فواد نازف
ما زال يحمل نصفه مشلولا
وخلعت اثواب الحداد اما كفى
اذ صار قلبك في الهوى ضليلا

__.__.__

غدار دموعك ما تفيد
فى زول حواسو اتحجرت
جرب معاك كل السبل
وايديهو ليك ما قصرت
حطمت في قلبو الامل
كل الامانى الخدرت
كلماتو ليك ضاعت عبس
لا قدمت .. لا اخرت

__.__.__

ما كنا وكت الليل يضيع
تشرق نجومو وتنكتم
ويطل شعاع يكشف قناع
والظلمة ترحل تنهزم
وجفونا من طول السهر
تلبس وشاح فرقة والم
نستبشر اليوم الجديد
ونقول تعود انت العشم

__.__.__

كيف العشم وكتين يموت
والغصة تطعن في الحلق
كيف الحنين وكتين يهز
لى زول بعيد ما بتلحق
كيف الرجوع لىزول قنع
شايل رماد(رفاة) قلبو الحرق
سيب الندم وانسى الدموع
ما فات زمان ما بتلحق

__.__.__

غدار دموعك ما بتفيد
فى ظلمة ما بتعرف شعاع
اشباحة زى موج العدم
كسر المقاديف والقلاع
ونزلنا في طوف الفشل
وابحرنا في بحر الضياع
ونسينا ذكراك الزمان
عشناها في زيف القناع

__________________

أظنك عرفتى – جمال حسن سعيد

أظنك عرفتى

عواصفك مهبى

أبارى في خيالك

يسوقنى ويودى

ونهرك يعدى ويجهل مصبى

هواجسى البتزرع وظنى البربى

***

لقيتك خواطر بتصحى وتساور

وطيفك يزاور وروحك تحاور

تجيبنى في زمانك موشح أساور

أقول بس نسيتك وجرحك يناور

***

أظنك عرفتى عذاب المغنى

وطبلو المجدع شظايا التمنى

حروفو البتجزع في لحظة تجنى

خطاهو البتهرع متين تطمئنى

***

يسرج خيالك حصانى القبيل

معربد غبارو وخلى الصهيل

مسافر .. مسافر وفاقد دليل

أظنك عرفتى .. هموم الرحيل

__________________

الطيور – الشاعر حافظ عباس

والله نحن مع الطيور

الما بتعرف ليها خرطة

ولا في إيدا جواز سفر

نمشى في كل المدائن

نبنى عشنا بالغناوى

وننثر الأفراح .. درر

والربيع يسكن جوارنا

والسنابل تملا دارنا

والرياحين .. والمطر

***

والحبيبة تغنى لينا

لا هموم تسكن دروبنا

ولا يلاقينا الخطر

***

إلا باكر يا حليوة

لما أولادنا السمر

يبقوا أفراحنا البنمسح بيها .. أحزان الزمن

نمشى في كل الدروب الواسعة .. ديك

والرواكيب الصغيرة .. تبقى أكبر من مدن

إيدى في إيدك نغنى

والله نحن .. مع الطيور

الما بتعرف ليها خرطة

ولا في إيدا جواز سفر

__________________

• اغاني مصطفى سيد احمد مكتوبة
• كلمات اغاني مصطفى سيد احمد
• أشعار مصطفى سيد احمد مكتوبة
• اغاني مصطفى سيد احمد مكتوبة pdf
• خواطر مصطفى سيد احمد
• خواطر من اغاني مصطفى سيد احمد
• مصطفى سيد احمد عن الحب
• كلمات اغاني مصطفي سيد احمد
• اغاني أبو السيد مكتوبة
• كلمات مصطفى سيد احمد