كلمات اغاني ابراهيم الكاشف

رحلة في طيارة – سيد عبدالعزيز

180326″>

حبيبى قلبى حاب
رحلة بين طيات السحاب
وحدنا…انت وانا
حبيبى خاف يوم الذهاب
فى بساط الريح المهاب
حبيبى عاتبنى وبعيونو كل العتاب
وللاحباب لغة العيون ابلغ خطاب
قال لى المس قلبى داب
انا خايف وانت شايف
طوينا الجو طى الحجاب
وبقو لينا الانجم قراب
من هنا اهن هنا جنبنا
قلت ليهو لاتعمل للخوف حساب
عملت ليك اسباب الراحة العجاب
احدث ما عرف الوجود
اشبه بنعيم الخلود الفى الكتاب
علشان رضاك وعلشان تقول
واقول معاك انشودة الهوى والعذاب
الحب نما وبلغنا اسباب السما
سبحنا في العلا كالشهاب
ونشوف العالم رهاب
تحتنا ويهتف لنا
يا بختنا انت وانا
عدنا بسلامة الاياب
وبينا ماطال الغياب
من رحلة كانت في هضاب
طى الاثير ومع السحاب
وصلنا جهة معينة مين زينا
امتزنا بعلو الركاب
اتخذنا الافق رحاب
واتخذنا الانجم صحاب من ضمننا
شربنا كاسات الهنا

******************

انا مابقطف زهورك – عبيد عبدالرحمن

180327″>

انا ما بقطف زهورك بس بعاين بعيونى
يا الغصن الفى نهورك
ويا البدر الفى خدورك
مترقب ظهورك اتامل في محاسنك
واتمتع بمناظرك واتوسع في فنونى
لعبت بى دورك واصبحت مسحورك
وعرفت اوزانك وعزفت الحانك اهات توالينى
لازلت ماسورك وماقادر ازورك
ملا العيون نورك كشف الظلام بسمك
واتجلى لى رسمك شخصك ملا عيونى
اضنانى تاثيرك
وما بشكى لغيرك
اعيانى تفسيرك
يا الرمز الحيرنى
وهواك صيرنى اتحدى العزلونى
يا العالى موهوبك
الناس يانسوبك
يا الراقى اسلوبك
يا العالى تعليمك
انا من مظاليمك
ايه ذنبى ورينى

*******************

حليل زمن الصبا – عبيد عبدالرحمن

180335″>

حليل زمن الصبا الماضى
حليل زهر الحياة الزاهر
حليل زمن الحبيب راضى
وحليل زمن الهوى الطاهر
حليلو الافلج الباسم
حليلو الكاحل الناير
حليل قمر السما القاسم
لياليهو وصبح داير
اه لو اه تفيد مجروح
والمثل القديم ساير
رهاب ما حصلو الجارى
وسماك ما بحصلو الطاير
تجدنى مراقب اخبارك
اذا النسمات بها تخابر
تجدنى على الفراش مضنى
تجدنى على الاسى صابر
انا البعدك اصون عهدك
وليتك كنت بى خابر
وليتك مرة تذكرنى
ولو في ذكرة الغابر
فداك نوم عينى يا نايم
وهل بلغك انا مساهر
اراقب في كواكب الليل
اراك بيناتها ماك ظاهر
اغض الطرف واتناوم
اقول يا الحسنو لى جاهر
متين انظر جمال نورك
ووين ياكوكبى الزاهر
جمالك يسعد الشافك
صباحك يشرح الخاطر
مياسك دا الهلك ناسك
دلالك وبسمة الفاطر
خدودك وازدهار لونك
زهور وشما الندى القاطر
وروحك روح نسيم الروض
اذا مزجو الشذى العاطر
تعود لمسالمتك سالم
بعودة سلامة يامسافر
اشوفك زى ملاك رحمة
اشوفك زى غزال نافر
اشوف فيك منتهى الرقة
اشوف فيك هيبة الظافر
اشوف في لثامك البدر
البفوق بدر السما السافر
ذكرى اهاجت الذكرى
دوام في فكرتى تخامر
حليل الماضى وايامو
حليل الرونق العامر
حليل زمن الحبيب طايع
حليل زمن الحبيب امر
زمنا الكنا لاندرى
بما كان الزمن ضامر

************

الليل مابنومو – عبيد عبدالرحمن

180337″>

الليل مابنومو
انا حارس نجومو
طول يا ليل وهود
عاجبنى طول الليل
الليل نسيمو عليل
الليل سكونو جميل
الليل به النسمات
تتامل الافلاك
الليل به العشاق
تتذوق الاخلاق
تتناجى بالارواح
ولشدة ماترتاح
مادايرة تانى صباح
انا راصد كوكبو
تايه في ظلامو
وساير في مواكبو
سابح في خيالو
وماعاشق جمالو
بس لى فيهو ذكرى
وماخد عنو فكرة
يكون فيه التلاقى
وانظر فيه حبى
والحابيه قلبى
ينظر ما الاقى
ياليل انت شايف
توليهي وهيامي
ياليل انت عارف
اشياء من غرامي
اما بلغك ياليل
بالله عيرني سماع
احكيلك حبي الضاع
وتغير الاوضاع
هويت محاسن انسان
في غايه الابداع
عاهدني وحبيتو
ووجدت عهده خداع

• ابراهيم الكاشف رحلة بين طيات السحاب
• كلمات اغاني الكاشف
• اغاني الكاشف مكتوبة
• كلمات اغاني ابراهيم الكاشف
• رحلة بين طيات السحاب
• زكري من تاريخ ابراهيم الكاشف
• أغاني الكاشف مكتوبة
• ألكأشف رحله
• كلمات ابراهيم الكاشف
• رحلة بين طيات السحاب كلمات