كلمات اغاني الفنان محمد وردي

 
ان شاء الله نحاول في هذا الموضوع جمع كلمات اعانى العملاق

الفنان محمد وردى

جميله ومستحيله

يا جميله..
ومستحيله
انت دايما زى سحابه
الريح تعجل بى رحيلها
عيونى في الدمعات وحيله
اسمحيلا تشوف عيونك..
اسمحيلا
انا لا الصبر قادر علي..
ولا عندى حيله
يامراسى الشوق تعالى
لا اليالى تمر بدونك هى الليالى
من ضواحى الدنيا جيت..
وعلي رحالى
لمداين فوق عيونك يا محالى
ريحينى..
استرى حالى
فرحينى
عيونى في الدمعات وحيله
انا لا الصبر قادر على..
ولا عندى حيله
حدثت عنك نجمه جاره
وزرعت اسمك..
حاره حاره
فى مناديل العذارى
فى مشاوير الحيارى
فى لحى الاشجار كتبتو..
نحتو في صم الحجاره
وبحت للشمس البتقدل..
فى مدارها
عيونى في الدمعات وحيله
اسمحيلا تشوف عيونك
اسمحيلا
انا لا الصبر قادر على
ولا عندى حيله
وانت منك لا بدايه ..
عرفت لسه ولا نهايه
مره اسرح..
ومره افرح..
ومره تغلبنى القرايه
ولمن اكتبلك وداعا..
قلبى ينزف في الدوايه
يا صبيه ..
الريح ورايا
خلي من حضنك ضرايا
عيونى في الدمعات وحيله
اسمحيلا تشوف عيونك
اسمحيلا
انا لا الصبر قادر على..
ولا عندى حيله
———————————–

جمال الدنيا

بشوف في شخصك احلامي
ودنيا تفيض بانغامي
وسحر الدنيا في عيونك يبعد عني اوهامي
بشوف الكون جميل وبديع
مر ايامي يبقى ربيع
احب الدنيا لي حبك
ويسعد حبك ايامي
رياض وزهور على خديك
بديعه بتخلب الانظار
تزيد فوق الجمال الفيك
معالم كلها اسرار
تخلي الدنيا في عيوني
جمال وكمال بيتجدد
امل بسام بيحدوني
اغني اليك واتودد
ولحني الغالي اهدي اليك
وانبت للوجود ازهار

ياحبيبي الدنيا ما احلاها
بديعه وحلوه بين ايديك
فهل ايامي تنساها
اذا ما غبت عن عينيك
هويتك صرت ولهانك
عشقت الدنيا دي علشانك
كتير جددت ذكراها
كتير غنيت من شوقي اليك

————————————————

بناديها

بناديها
وبعزم كل زول يرتاح
على ضحكه عيون فيها
واحلم اني في اكوان
بترحل من مراسيها
عصافير
نبتت جنحات
وطارت
للغيوم بيها
مسافر من فرح لي شوق
ونازل
في حنان ليها
اغني مع مراكب جات
وراها بلاد حتمشيها
واحزن لي سفن جايات
وما بتلقى البلاقيها
بناديها
ولما تغيب عن الميعاد
بفتش ليها في التاريخ
واسال عنها الاجداد
واسال عنها المستقبل
اللسع سنينو بعاد
بفتش ليها في اللوحات
محل الخاطر الما عاد
في شهقه لون وتكيه خط
وفي احزان عيون الناس
وفي الضل الوقف ما زاد
بناديها
والاقيها
واحس باللقيا زي احلام
حتصدق يوم
والاقيها
واحلم في ليالي الصيف
بساهر الليل
واحجيها
ادوبي ليها ماضيها
واطنبر ليها جاييها
وارسل ليها غنوه شوق
واقيف مرات والوليها
بناديها
وبناديها
وبناديها

—————————————

وتر مشدود

سلمت
خايف كنت ما يسلم قلب مفصود
حلمت
قبلك كنت لا بحلم ولا موجود
معاك بحلم كاني على فرس طاير بغني على وتر مشدود
واطير عبر السما المدود
سما الوطن اللي مالو حدود
حمامه جناها لا خايف ولا مفقود

واشر الغيمه خيمه على النجم وارتاح
اصادف اجمل الغابات واصادق غصنك الفواح
واشرب من زوايا القلب جنبك اخر الاشباح
وتفتح كلمه من عينيك لي مجرى الغنى المسدود

واخط اسمك على باب الزمان اكليل
ورده صبيه تلمع فوق صديري النيل
وباسمك اغني لي عالم بسيط وجميل

وانادي عليك ملاذا في شتا الايام
وبردا في الحياه وسلام
وفي شده هجير وزحام

جزيره حنينه بين نهرين حنان القاك عليك اتلم
وهودج في صحاري الهم
وعالي النخيل عليك اتلم
وفي السكه اللي ما بتعود معاك
لآخر المشوار نغني على وتر مشدود

—————————————
المستحيل

لو بايدي ..
لو بايدي كنت طوعت الليالي
لو بايدي ..
لو بايدي كنت زللت المحال
والاماني الدايره في دنياي ماكانت محال
دي الاراده ونحن ما بنقدر نجابه المستحيل
دي الاراده والمقدر ما بنجيب ليه بديل
دي الاراده اجبرتني في هواكم من قبيل

غصبا عني وغصبا عنك
انت حبيتني وهويتك
لو بايدنا من زمان
كنت خليتني ونسيتك
والنهايه ..
انت عارف وانا عارف
لو بايدي كان هديتك

اصلو حبي اقوى واكبر من ارادتي
وانا حاسس في جحيم نارك سعادتي
والهيب البكوي في روحي
في ذاتي
هو انت
قلبي دايرك
حبي عارفك
في شبابك في صباك
في جمالك في وفاك
في شبابك في وفاك
يا المسير وماك مخير
انت ياصابر عند الله جزاك

——————————-
امير الحسن
من صحابك ومن قرايبك يا حبيبي بغير عليك
كل من قال يا حبيبي افتكرتو يشير اليك
واي عاشق لو تغنى قلت لازم شاف عينيك

يا امير

كنت تايه في بحور الشوق وامواج الحنان
قبلك انت وحبك انت جابني لشاطئ الامان
والمحبه يا حبيبي اقوى من قدر الزمان

يا امير

يا امير الحسن لو تسمح ظروفك
كل ساعه كل لحظه كل يوم مشتاق اشوفك

وين يا امير
يحسدوني الناس في حبك كم عزول روج اشاعه
انت يا رب المحاسن والبراءه والوداعه
في اشاره من عيونك قلبي قال سمعا وطاعه

يا امير

يا امير الحسن لو تسمح ظروفك
كل ساعه كل لحظه كل يوم مشتاق اشوفك

—————————————
قطر الندى
الريد جوه قلبي بحبك بدا
يا طيبه حياتي يا قطر الندى
ما كان في خيالي تتنكر كده
ايامنا الجميله ليه بتنكده
جربت هواهم وقليبي انكوى
تاريهم جاروا ما صانوا الهوى
حاولت اسببك واتناسى المضى
ايامك معاي ساعات الرضى
المكتوب علي انا قلبي ارتضى
يا ريت الليالي عطفه يعوضي

الكلمه الحنينه مشتاق اسمعه
روحي خلاص جفيته الشوق لوعه
الدمعات عيوني كيفن تمنعه
وانا شايف سنيني جورك ضيعه

يومي الشفتك انت حسيت بالهنا
ضويت لحياتي شمعاتي انا
بعد الحب ده كلو يا اجمل منا
ليه بكيتني تاني عاودت الضنا

جربت هواهم وقليبي انكوى
تاريهم جاروا ما صانوا الهوى

——————————
حنينه

ياما دربك كنت بفرشو ورد وحنيه واماني
ياما عهدك صنتو وما خنت وكام ليك حناني
ياما من ليلي ونهاري ودمعي بنسج لك اغاني
وكل كلمه من غناي فيها من حبك معاني
ان نئيت برجاك
وان نسيت بطراك
وان قسيت بهواك

جيت اعاتبك واشتكيلك واشرح الحب من بدايتو
قلب خادع مافي رافع بس عليك تسمع حكايتو
انت حاكمو وانت مالكو وانت في ايدك وصايتو
انت لو حكمت قلبك ما اظن ترضى بنهايتو
العهود صونوها
اوعو لا تخونوها
دا حرام تنسوها

تبقى جنبي وننسى كل الدنيا نغرق في الاماني
واشتكيلك يا حبيبي منك انت ومن زماني
في غيابك ياما ليل الغربه بالآلام رماني
ابقى عيني وابقي روحي وابقي قلبي يا حناني
يا امل يا لطفي يا حنيه وينك من عيوني
لو تعود وتجيني
القى فيك حنيني
وانسى بيك انيني

ابتساماتك ربيع دنياي ياما عشت فيها
فتحت في دربي اشواق الليالي البشتهيها
دي السعاده المن زمان بسال عليها
بكياني بشبابي بحياتي افتديها
الاله يرعانا
هدا الغرام ضمانا
ونحن ما احلانا

لو بكاي هماك
لو شقاي هماك
ما كنت يوم
فارقتني
خاصمتني
عذبتني

———————
وسط الدايره

وسط الدايره اجمل نايره
خلي قلوبنا تطير
وارحلي بينا فراشه حنينه
بين زينات وعبير
ولما الخصله تدور طربانه
تبقي حرير في حرير
فرحي خلق الله واتني ياشبه القمره
وارقصي رشي عبيرك فينا وفتحي يا زهره

ارقصي زيدي الساحه سماحه
نحن معاك نشيل
نغني غناوي ..نحكي حكاوي
لما ندوب في الليل
لا ترتاحي لا تريحينا
لسه الوقت طويل

عمرك كل فرح يا زينه
شيلي من الافراح وادينا
راقصي البسمه راقصي النسمه
خلي الموجه تدور بينا
اوعي تهدي
كمان اتحدي
يلا جميلك تمي علينا علينا

——————————-
وطنا

وطنا الباسمك كتبنا ورطنا
احبك ..
احبك مكانك صميم الفؤاد
وباسمك اغنى..
تغنى السواقى
خيوط الطواقى
سلام التلاقى
ودموع الفراق
واحبك ملاذ
وناسك عزاز
احبك حقيقه..
واحبك مجاز
واحبك بتضحك
واحبك عبوس
بعزه جبالك ترك الشموس
وما بين ظلالك
افتش واكوس
افتش طفولتى وملامح صباى
بناتك عيونن صفاهن سماى
وهيبه رجالك بتسند قفاى
احبك بتضحك
واحبك عبوس
صحى بتملا عينى..
وتشرف غناى

بحضره جلالك..
يطيب الجلوس
مهذب امامك يكون الكلام
لانك محنك
عميق الدروس
مجيد المهابه
مديد القوام
شبابك تشابك
شديد الزحام
اراهم وراهم غبار الحياه
مداين تعاين
كام العروس
تهلل تكلل جبين الامام
رزازا يبلل اغانى الخليل

اصدق كلامك حقيقه وبخاف
اخاف الطريق اللى ما بودى ليك
واعاف الصديق اللى ما بهم بيك
معاك انتظارى ولو بالكفاف
وعنك بعيدا ابيت الرحيل
وبيك اعتزاز الصباح الجميل
جميع الاغانى اتكالن عليك
جميع الاغانى اتكالن عليك

———————————–
واسفاااااى

وا اسفاي ..
وحاتكم انتو وا اسفاي
اراده المولى
رادتني وبقيت غناي
اسوي شنو مع المكتوب
اسوي شنو؟
براهو الواهب العطاي
منو ..
منو البدور يساهر الليل
ويسافر
فوق جناح الشوق
يكوس نجما بعيد ضواي
منو ..
اذا وصفولو ارض الحور
تلاقي قوافلو طول الليل
تشق التيه
تجر النم
مع الحردلو في الدوباي
وا اسفاي
ببيع الدنيا
كل الدنيا وا اسفاي
عشان خاطر عيون حلوين
وا اسفاي
منابع الطيبه متجاورين
وا اسفاي
ومتسامحين في السمحين
واسافر فوق صبي العين
معاك سلامه
يادنياي
بتمدد وبتوسد وساده شوق
وبنوم مرتاح وخالي البال
واقالب تاني عهد صباي
عشان ما تبكي ببكي انا
واحاكي الطرفه
في نص الخريف بكاي
حمولي تهد جبال الشيل
وفايت في العتام الليل
ومتوكل عليك يا الله
دافر الليل
بريق البسمه ان لاح لي
بتتفتح مشاكل الريد
واحسك جوا ..
زغرد فيها صوت الناي
وا اسفاي
وحاتكم انتو وا اسفاي
اسفاي
اذا ماشفت ناس سمحين
يتاتو ..
زي قدله جنا الوزين
يتاتو
تلاقي قليبي يرمح جاي
لما يتاتو
زي قدله جنا الوزين
يتاتو
حليل الكان بهدي الغير
صبر محتار يكوس هداي
من ناس ديلا وا اسفاي
من زي ديلا وا اسفاي
اراده المولي رادتني
وبقيت غناي

—————————-
بعد ايه
اسماعيل حسن

بعد ايه جيت تصالحنى
بعد ما ودرت قلبى الكنت فيه
جيت تشكى جيت تحكي
جيت تحكي ليه
اعتذارك ما بيفيدك
ودموعك ما بتعيدك
العملتو كان بايدك
انا مالى ذنب فيه
ليه جيت تبكى ليه جيت تشكى
انا خلدتك بشعري في زمانك
وياما غنيت وكان كلو عشانك
وكان جزاي منك صدودك وهوانك
انا استاهل
انا استاهل وضعتك في مكان ما مكانك
روح القدر بى نفسو ما بقسو عليك
جيت تايب يا حليلك والفؤاد ملكوه غيرك
ربى يعدل ليك سبيلك كل
مناى في الكون عديلك
ونهايه الخير نصيبك
ليه
ضيعوك
ودروك
انت ما بتعرف
صليحك من عدوك
استغلو الطيبه في قلبك
وبى اسم العواطف خدعوك
حتى من كلمه حنانم وودادم حرموك
الله يا خد ليك حقوقك ويجازي الظلموك

—————————-
الحزن القديم
ولا الحزن القديم
انت
ولا لون الفرح
انت
ولا الشوق المشيت بيهو
وغلبنى اقيف
وما بنت
ولا التذكار ولا كنت
بتطلعى انت من غابات
ومن وديان…
ومنى انا..
ومن صحيه جروف النيل
مع الموجه الصباحيه
ومن شهقه زهور عطشانه
فوق احزانها
متكيه
بتطلعى انت من صوت طفله
وسط اللمه منسيه
تجينى
معاك يجينى زمن
امتع نفسى بالدهشه
طبول بتدق
وساحات لى فرح نور
وجمل للحزن..ممشى
وتمشي معاي
خطانا الالفه والوحشه
وتمشى معاي… وتروحى
وتمشى معاي وسط روحى
ولا البلقاهو بعرفنى
ولا بعرف معاك ..روحى
——————————–

نور العين

للشاعر اسماعيل حسن

قلبي الحابيك ما خان لياليك
ما ناسيك الماضي ماتقول ناسي
ما بدل حبو ابدا ماتنكر ليك
لكن الاشواك والنار حواليك
يانور العين
يانور العين انت وينك وين

في اللون الاسمر ذوبت شبابي
وعشقت الجنه وفي الجنه عذابي
صابر وبتالم والمر دا شرابي
ياحليل الراحو ياحليل احبابي
يا نور العين
يا نور العين انت وينك وين

الشعر الناعم بي عطرو اسرني
والوجه الناير بي نورو غمرني
عيونو النعسانه برموش تجرحني
خلتني متيم وين راحت مني
يا نور العين
يا نور العين انت وينك وين

انا والانغام والعود في ايدي
بحكيلو حكايتي ويعيد ترديدي
واشكيلو همسه او عذب نشيدي
ياما الاوتار تفضحني من ريدي
يا نور العين
يا نور العين انت وينك وين
——————————————————————————–

ود
/عمر الطيب الدوش

اعيشها معاك لو تعرف

دموع البهجه والافراح

اعيشها معاك واتاسف

على الماضى اللى ولى وراح

على الفرقه الزمان طويل

على الصبر الى عشناهو

مع طول الالم والليل

زمان كنا بنشيل الود

وندى الود

وفى عينينا كان يكبر

حنانا زاد

وفات الحد

زمان ما عشنا في غربه

ولا قاسينا نتوحد

وهسع

رحنا نتوجع

نعيش بالحسره نتاسف

على الماضى اللي ما برجع

احبك

لا الزمن حولنى عن حبك

ولا الحسره

وخوفى عليك يمنعنى

وطول الالفه والعشره

وشوقى الليك من طول

لسه معاي

ولى بكره
——————————————————————————–

• كلمات اغاني محمد وردي
• كلمات اغاني وردي
• كلمات محمد وردي
• الفنان محمدوردي اعاني كلها
• محمد وردى
• اغاني وردي مكتوبة
• اغاني محمد وردى مكتوبة
• محمدوردي
• اغاني وردي
• كلمات الفنان محمد وردي