كلمات اغاني خالد السلامه

اليتيمه

اقبلت تبكي وتشكي بالدموعاقبلت يوم اختفى عنها الوداع
قصته تخفى على الدنيا جموعاليتيمه ضاعت لهم ونكاد
تشتكي من ظلم عمه والفجوعيوم ابوها مات مادون البلاد
مات حظه والدهر همه يلوعالقهر والموت بالدنيا الجهاد
زوجوها غصب ياوين الشروعباعوا البنت اليتيمه بالمزاد
للاسف مضت حياته بالدموعوالسبايب واليتم ناس الشداد
عاشت الحرمان منظرها يروععقب ابوها صار تشقا للعباد
ارحموا ياناس مطفي الشموعمن زرع باخلاص يجنا بالحصاد

من يوم عرفتك

من يوم عرفتك وهذا ترى حالي = اعلل النفس بشوفك واداريها
حظي تعكس ودارت بي الايامي = وروحي توجس متى ربي بيبريها
ياخالد اليوم صارت سته اعوامي = محروم انا النوم والضحكات ناسيها

ماتغيرت

تظلمتي بقولت عليه تغيرت = وانا ابد مقبل بغيرك ولا اريد
فرقاك مايومن ببالي تصورت = وعن سكتك ياكامل الزين ماحيد
ماقد شكا الخاطر ولاني تكدرت = يومي معك احس به كل تجديد
قمت اتحرى رجعتك لا تاخرت = عيشه شقى مادمت عن ناظري بعيد
تكشف دموعي ماخفى لو تصبرت = وهموم قلبي من عنا الوقت بتزيد
راجع ضميرك يالغضي ماتغيرت = لاتظلمن تجعل حياتي تناكيد

ياساكن قلبي

ياساكن قلبي ترى مايراعي = غيرك بهالدنيا ترى ماهويته
بذكراك يفز القلب من دون داعي = مدري وش اللي من هواكم جنيته
الشوق يركض لك على الدوم ساعي = والعين تذرف دمعها اللي خفيته
ماودي اسمع منك كلمه وداعي = ماودي تنهي حبك اللي بديته
حرام قلبك مايعرف الشفاعي = درب الشقى يازين لاجلك مشيته

من تكون

اعرفوا بهجه فؤادي من تكون = هي ربيع العمر هي كل الحيات
وصفها الاول مشاعرها حنون = في هواها حققت لي كل ذات
الجمال اللي ملك قلبي شجون = هو نجاتي يوم افكر بالممات
اكتب اني في وصايفها فتون = وسطر الماضي بتالي الذكريات
بالغزل قد كلمتني بالعيون = وحركت معنى الغزل فيني الشفات
وحدها اللي تسكن القلب وتمون = تامر وتنهي ولا مني وصات
وحبها اللي ماهقيت انه يخون = هي معي وانا لها طول الحيات

انا شاريك

ان كنت بايع انا شاريك = خذ الثم ن دمع الاعياني
وان كان دمعي ماهو بمرضيك = القلب ترجيح ميزاني
اجر الشهر يالغضي يكفيك = وين الغلط يوم تجفاني
قصدي شريف يوم انا اماشيك = حاسبك من جمله اخواني
والعاذل اللي تغزل فيك = صارت لي موقف تحداني
استلطفك والهدف يغويك = وبالليل سراك زعلاني

لا ترجا

لالا ترجا والرجا فات اوانه = حبك بقلبي له زمان ترى فات
لاترتجي قلب غدر به زمانه = ترى الليالي علمته العلامات
عاف اللذي جدد جروحه وخانه = شاف الخيانه منك ياناكر الذات
ارتحت يوم القلب رد لمكانه = لاتحسب اني اسهر الليل مابات
لقيت من يهوى الوفى والامانه = لقيت من داوى الجروح العطيبات

ارخصت حبي ليه

ارخصت حبي ليه ياساكن الروح = بعت الوفا يازين ويلك من الله
كان الهوى يجمعنا جسمين في روح = ياحيف يالغدار تنساه كله
دور على غيري ترى انت مسموح = ماعاد لي في شخص حبه مذله
قلبي وقفلته لوح على لوح = والفكره اللي جبته ارجوك شله
خبرك تغير والخفي صار مفضوح = هذي نهايه من تنكر لخله
مافادني كثر السهر فيك والنوح = الله يصبر قلب مجروح يالله

زحمه الاشواق

بزحمه الاشواق مختارك عشيري = وانت دون الناس غيرك ماكفا
خطوتي من طوع بدروبك تسيري = لو تعذر يوم تلقاني بوفا
نلتمس ياشوق للجرح الخطيري = بلسم الاهات باعمال الشفا
ابتعد ماظن يعصى بالضميري = لوحصل مجبور للهجر وجفا
لاتقول انساك صدق مايصيري = للغياب اسباب والخافي خفا

اكفني شرك

اكفنى شرك كفى جرح القلوب = رح عسى الله يحرمك لذ المنام
صرت اشوف الغدر مابين الدروب = ياسبب نوحي وحزني والهيام
ابتدينا وانتهينا يالعوب = لا تحاول تقنع بحلو الكلام
الله اكبر صرت انا كلي عيوب = عقب قولك معجب انكرت الغرام
اكتويت بحبك ولازم اتوب = لاجل عينك كم تحملت الملام
كل ذكرى منك طيرها الهبوب = حتى لو سلمت لاترد السلام
اتجرع ظلم هجرانك واذوب = المحبه دربها موحش ظلام
شاعت القصه بشمالك والجنوب = معك راح العمر يامسك الختام

العالم المجهول

خلاص اباخذ حسرتي منك واعود = للعالم المجهول قررت اهاجر

ارحل واودع واقع اليوم ما عود = ودعت صبري والرجا والمخاطر

حرام اوصل والهوى صابه برود = وادري سراب الطيف بالحلم عابر

الحب ما هو بنظره عيونك السود = ادفع ضريبه رمشها بالمظاهر

لا للندم والخوف والعمر محدود = حان الرحيل الصعب انا ارتاح باكر

ما عاد لي رجعه علىحب مفقود = عفت الهوى من بعد موت المشاعر

ابجبرك

ابجبرك تعرف خطاك وتجيني = تعودلي خاضع وقفي وخليك

ابغى تذوق المر كاس بيديني = برميك في بحر من الهم واجفيك

ابديتلك كل ماتبي من حنيني = لاترتجيني روح ماعدت باغيك

دمعه فرح مو حزن تذرفه عيني = ماعدت لي فرحه لجدد بها امانييك

سحبت من قلبي غلاك الدفيني = اصبحت ماضي بعد ذا اليوم مابيك

لحظات الوداع

اكتويت بنار لحظات الوداع = والبكى ما عاد شفت انه يفيد

الفراق امر من كلمه ضياع = ما لها بوقت الاسى شي ضديد

بس انا والخل صرنا في صراع = قلت لاتبعد وهو قلبه عنيد

طالما احكم في معاناتك سماع = لا تقول ولا تعيد ولا تزيد

مثل باقي الناس خلينا انطباع = منت باول من جلس لليله وحيد

وعكس فرقانا بيحصل اجتماع = انت في شكواك ما جبت الجديد

الى متى

الى متى في عالم الحزن والويل = لا متى وانا اتعذب واعاني

قصه حياتي يا حبيبي غرابيل = عشت لذات الفرح والاماني

معجب واحبك موت يا سيد الجيل = من الطفوله كيف تنكر حناني

يا ما تمنيتك معى باخر الليل = ما تحيرت اللقا يا هنالي

اطلق صراحي ما بقى بي تراحيل = مقدر اطيق الكون بعدك ثواني

الناس تسمر بالفرح والتعاليل = وانا بدنيا الحزن اصارع زماني

انا مدري

انا مدري وش الحيله معك يامخلف ظني = تجيب اعذار وهميه وانا اول من يصدقها

انا مدري استحى منك اوانك تستحي مني = او اني مقدر اظروفك اواحاول ادققها
اغض الطرف وادمح خطاك ان كنت متجني = واداري خاطرك وارجي حياتي ماتفارقها
من اسباب الولع ودي كلامك دايم عني = ولاودي طواري الغير تذكرها وتنطقها
تنسيني حلا نومي ونومك فيه متهني = مضى ليلك بساعاته وانا اساهر دقايقها
ياداعب ناظري طيفك يحل ووين تلعني = ويرسم في خيالك صوره بالحيل عاشقها
حياتي من الغلا روحين وكنك قطعت مني = وكنك نصفي الثاني تقل حبه وفارقها

انسني

انسني خل الزمن يكشف خفاك = دامني مقدر احقق ما تبي

الدموع الحمر جفت يا ملاك = بين كل الناس واضح مذهبي

كنت احبك ودي احضي في لقاك = احسبك صادق تحقق مطلبي

مستحيل اخضع وانا امشي وراك = ابتعد ما ابيك فيني وش تبي

الليالي درت وطفت لي ضياك = اه يالمغرور تنوي مقلبي

ياعذاب الروح حزني من شقاك = صرت باعصابي علامك تلعبي

لو تشوف الموت ما يعيد لي هواك = الهدف واضح ترى ماني غبي

انتهينا وانت تعرف وش خطاك = لاتعذر تحسبن عندك صبي

يالمغرور

مهلك يالمغروو لابد لك يوم = تندم على كل الامور الحقيره

تشوف بعيونك بيانات وعلوم = تعرف بها الغدار شخصك مصيره

لا ياردي النفس مافاد بك لوم = الله يديم العافيه والستيره

بترك ما عاد به حبه خشوم = قلبي عرف شخصه وفرقاك قريبه

ماني انا مثل شرواك ملزوم = ذمه وعزت نفس ما اريد غيره

خل التكبر

خل التكبر ينفعك والتغلي = خلك تعيش جو غايم بالاحزان

ياما وياما قلت لك انت خلي = لكن خساره ما نفع فيك الاحسان

قظيت عمري عايش وسط ذلي = ابكي وادور في خيالك لي انسان

من شانكم خليت دمعي يهلي = والقلب مسكين عليل وتعبان

دور على غيري وتلقى محلي = منهو يحبك صافي لك وشفقان

خل الزعل والعتب واللوم

خل الزعل والعتاب واللوم = اشقيت حالي يوم تجفاني

مبغاك تجفى صاحبك لو يوم = محببت غيرك واحد ثاني

ماهوب حكيك في الثقه معدوم = صدقت حكيي كل عدواني

ودعت قلبي دايم محروم = وابعدت وانت سيد خلاني

اسال علينا لابدا ملزوم = ولاجيت تلقاني مع اخواني

انت بعيني بالقلم مرسوم = ولا اسكنت قلبي لكل من جاني

يحرم على عيني لذيذ النوم = لاابعدت عني وخفت تنساني

خل الزعل

خل الزعل يا سيد كل المزايين = ماللزعل والصد يازين داعي

ترى الزعل جاير لغير المحبين = حرام في حبك تزيد التياعي

ناس بهالدنيا للصبر ضارين = وناس تشوف الموت قبل الوداعي

ارجي وصالك مثل رجوى الملبين = عساك ترجع ياحسين الطباعي

كانك علي مخطي فلاابغاك ترضين = وان كنت انا مخطي حكمك مطاعي

يابو حمد

دنياي والله يافهد غربلتني = من عقبهم ياخوك ماشفت الافراح

صكات بقعاء يافهد لوعتني = هلت على قلبي سكاكين ورماح

شالت مجاديفي ثم اغرقتني = واصبحت في بحر التعاسات سباح

حاولت اصارع موجها واغلبتني = مع قوه التيار في صدري يقراح

على ضفاف الحزن ثم ارفضتني = وقمت اتحرى موتتي كل ماراح

يا ابو حمد وش حيلتي لانوتني = ظروف الزمان وخايب الحظ لاطاح

زود على هذا ربوعي نستني = صدو وخلوني بلا ريش وجناح

اول حلات الموت ثم اغتنتني = الغريب اليحطوا اسوار والواح

من عقبكم ياثنين دنيت متني = ليت الهموم تكون نوح ولاصياح

زرعت الحب
زرعت الحب في صدري وجدته للاسف ذبلان = وجدت الحب لا يمكن يعيش بقلب خداعي

اثاري الغدر من طبعك عديم الذوق والوجدان = تجازي الحب والاحسان بغدر مالها داعي

سهرت الليل من شانك وذقت الويل والحرمان = اداري خاطرك وانتا لهرج الناس سماعي

ومنك النفس ترى طابت ولا اجبرها على الحقران = ترقب طلعه المظلوم يجي يوم اشفي
اوجاعي

توكل روح عن دربي وبعتك ببخس الاثم ان = ومثلك ينشرى بعده مريض النفس طماعي

صوته دعاني

صوته دعاني عقب ما كنت مقفي = متحسف من بعد صمته دعاني

قلبي وقف وابتل بالدمع طرفي = سمعي تجاوب له وقلبي عصاني

خلاني انسى كل نذري وحلفي = لاشك صوته هز خافق كياني

قلبي جريح وناقله فوق كفي = من وحشته بايام فرحي جفاني

صوت سمعته ابعد ايام حتفي = جدد سنين عقب ماهي ثواني

غروك
غروك في شمعه غدر اشعلوها = وصدقت يالمسكين وانكرت الاصحاب

شاعه بقلبك حقد وعينك عموها = وانسوك من يهواك اهلك والاقراب

تحسب محبتهم اليك جلبوها = وجريت تلحق ركبهم كل ما غاب

خذوك مني وعشرتك انقضوها = وخلوك تقفل يالغضي بوجهي الباب

ابواب قلبك بجيتي قفلوها = وانهوك عني دون يبدون الاسباب

سيره حياتي بسبتك بددوها = ومن هول جورك شعر راسي انا شاب

كم انا محتار

كم انا محتار مدري كيف اسير = خطوتي لقدام او ارجع ورى

حرت انا ومحتار منهو استشير = من وجد لي حل لمشكلتي قرى

جرح روحي بك تمكن بي خطير = مقبل الايام وش مخبي ترى

فرحتي غابت في عمري ماتنير = قلبي للاحزان ماباع اشترى

ابتليت بهمي و اصبح لي خشير = في حياتي يا هلي وش قد جرى

عفت كني بعيشتي ماني حسير = اخفي الاحزان محد بي درى

لو بكيت

بكيت الليل كله والنهار = ما يبرر موقفك دمع غزير

شفت شوف العين واضح بالقرار = يوم ضاع الحب اخلفت المسير

امتياز الغدر ما خذ به شعار = الوفا بالحب ما ضني تسير

انتهينا وانتهى مامنك صار = يوم خنت اللي يحطك له خشير

ابتعد ما ابيك باعلنها جهار = ناسي حبك واعلنت الهجير

النهايه ضنتي صار تذكار = حالف للوصل رجلي ما تسير

من ورى القضبان

من ورا القضبان واسوار الحديد = صحت سجن البين والحض الردي

شابت عيوني وانا بحزني وحيد = مالفاني زاير يحل عقدي

قاطعوني واصبح اللاهب يزيد = وين خلاني وربعي وسندي

وعذابي كل ما شد الشديد = قلت لابد الفرج فيه سعدي

واللي ماكنه سمع مني قصيد = ولاتحرى لوثواني موعدي

يازمن خلك على نوحي شهيد = وياليالي كل ما ابكي اشهدي

قصتي بالكون من نوعه فريد = كيف اعيش العمر من وين ابتدي

يحقلك

يحق لك وافعل على ما بدا لك = زين وجمال ومال وش عاد باقي

قدر هيامي فيك جعلي فدى لك = يابوحسن جذاب ومن نسل راقي

لو ماتشيلك عيني القلب شالك = ياليت تاوي لاعرفت اشتياقي

ياللي على مثل الثريا وصالك = بيني وبينك ليت يحصل تلاقي

يامدور الاعذار

خلاص يا مدور الاعذار = اليوم بانت مشاريعك

قلبي انتها منك يالغدار = ما دام بعت(ن) انا ابيعك

هذاك اول عليك اغار = واليوم حرمت ما اطيعك

ذكراك احرقتها بالنار = ماعاد افكر بترجيعك

صافيت من ينقل الاخبار = الي تفنن بتدليعك

يخلص لكم باول المشوار = وبعدين ينشر مواضيعك

لابد ما تنفضح الاسرار = ويوم الندم عض اصابيعك

تنزل الدمعه

تنزل الدمعه على خدي واصيح = لانظرتك يا نظر عيني حزين

ينشغل بالي ومن طولي اطيح = ودوره افكاري يبددها الونين

مهتني يومي اشوفك مستريح = ما عنا قلبك ولا فقد الحنين

يا دوا حالي والقلب الجريح = ياهناي وفرحتي طول السنين

من شقاك اشقى ومن همك اطيح = وفرحتي يوم الهنا بوجهك يبين

من فداك الروح لك ماني شحيح = كل شي لك والقاس يلين

سيد روحي

سيد روحي كلها سودالعيون = لانتاظر رمشها حال سلبها
كاناها ماطالعت لك يافتون = لاتعاندها تري مابي غضبها
الزعل ممنوع للرمش الحنون = رمشها عين المها روحي نهبها
كل ماسلهم بها غض الجفون = ارتجف لها خافقي ليته حجبها
عين ريم لاجلها الغالي يهون = كحلها منها غدا هايل هدبها
حبها قلبي الي حد الجنون = تاه فكري وضاع قلبي من سببها
حسنها الباهر يخليها تمون = لو همومي والعنا رمشه جلبها

الشائعه

شيعوا موتي خلاص حل النعي = يوم اعز الناس طاعت شايعه

مارحم ذلي وحزني وادمعي = والله ان الحب قلبي لايعه

يا ضنيني ليه ماتخلص معي = دنيتي والله بدونك ضايعه

عقب ذاك الحب تنوي مصرعي = اه يا ذيك الليالي الرائعه

وين همس كان يملا مسمعي = هل تمثل او ضميرك بايعه

لك انا شرعت قلبي ما ادعي = في فنون اهواك كبدي مايعه

لاذكرت صرت فاقد للوعي = قصتي بين الخلايق ذايعه

حي البديعه

حي البديعه نور = ادور به مجبور
كني بها مسحور = يومين ما اشوفه
ترى غيابه طال = وبعده يسم الحال
ليته يجي بالحال = والله ما اعوفه
ليه الجفا يا زين = يا مورد الخدين
اصبر انا لا وين = والنفس ملهوفه
اعيش بالذكرى = واصبر على الفرقى
جرحي ترى بيبرى = ابلمس كفوفه
غيره انا ما ابي = يا اعز احبابي
اصبر على مابي = ولا ابدي حسوفه
ليته يجي ويشوف = حبه سكن بالجوف
بس القهر والخوف = لا طرى لي ظروفه

نهايه العشره

نهايه العشره القديمه = للاسف صارت اليمه
قصه الحب العظيمه = اصبحت وهم وخيال

بين مخلص مع اناني = انتهت احلى الاماني
واتضح من كان جاني = وانتهى كل الجدال

من عتابك من عنادك = اتضح لي مرادك
صرت احلم في بعادك = وارتجي قطع الوصال

عيشتي ظلمه بدونك = عذبت قلبي ضنونك
من يحملني جنونك = رجعتي ثامن محال

سهل الله لك دروبك = ابتعد ماني بصوبك
من ييبونك اهتنوا بك = قلهم بفتح مجال

غريبه

غريبه يوم تقسى = لوعدك ليه تنسى

ترى جفواك ماسى = لاحلامي السعيده

اطعت العذل فيني = تنكر ما تجيني

وكنت اول تبيني = غلى قلبي تريده

تروح بعيد عني = وانا معك متهني

وما جاك مني = قسى قلبك عنيده

هويت اليوم ثاني = اقعدته في مكاني

وقبل قلبك دعاني = عنا قلبي تزيده

انا ما اريد غيرك = مصيري هو مصيرك

بقى قلبي اسيرك = امل قلبي وسيده