همس الشوق
يا ريتنى لو اقدر اقول
فيك الكلام الما انكتب
واجلى المقاطع بالدهب
وافرد صباح حسنك وشاح
يمسح عذاب عمرى المسطر باللهب
بريدك
كلمه كان رفت
يهش ثغر النجوم ويسطع
ولما ينادى همس الشوق
يقيف كل الزمن ويسمع
عيونك ديل عيون اهلى
حنان زى نغمه في مقطع
وطهرك تاج جواهره العزه
وانتى العزه ليك تركع
بحبك يا صباح العيد
ويا فرح العريس السار
واحسك في سما الازمان
شمس بتضوى للمشوار
زمان يا حلوه ساقنى الليل
وغبت وضعت في الاسفار
ولما لقيت عيونك ديل
بديت اعشق عيون الدار
وحاه ريدى اللى شاف طيفك
كتير قبال يلاقى ويشوف
جراح الماضى بيك نامت
وغابت كل رعشه خوف
بحبك ومافى غيرك نور
يهل ويغمر طريق الشوف
وما في بلاك نور بسطع
ولا فرحا يسوقنى يطوف
- ودالامين
- اغاني محمد الامين مكتوبة
- ودالامين اغاني مكتوبة
- اغاني ود الامين
- محمد ود الامين كتابة
- اغاني ودالامين
- اغاني ود الامين مكتوبة
- كلمات اغاني ودالامين
- صور ودالامين
- كلمات أغاني محمد الأمين