كلمات عن الملك عبد الله

للطيب عنوانه و للمجد عنوان&&&&&وإلا انت اسمك للمكارم عناوين

لا قلت عبد الله كسا الكون ايمان&&&&&إن الزمان بخير و الناس و افين

والله ما مثلك على الأرض انسان&&&&&ولا انخلق بذمتي مثلك اثنين

يا بو اليتامي يا وطن كله احسان&&&&&يا خادم المنزلين و الشرع و الدين

الله بعثك لنصرة الحق ميتزان&&&&&دعوة مجابه للفقارى المساكين

يبشر كتاب الله بعزه و لأوطان&&&&&للعدل اصبح قلب و لسان و ايدين

يا ديرتي يا نجد ياصوت الآذان&&&&&يا كتاب ربي يالتحيات يا امين

أبشرك جالك على العز مزبان&&&&&شريف يحكم بالموده شريفين

لا صرت حاكمنا و على الهعد سلطان&&&&&صارت قلوب نخله و سيفين

………………………………………….. …..

لوله طلبة الي يعلم النيات=كل هامه تعرف القبر تنزله

ياقصيدي ترا بعض القصيد اسكات=والله انني ما عودتك على الذله.

ذاخرك لين تبدي حزة الوقفات=كنك الهيل و ظلوعي لك الدله

ياوطن عاد عيدك و برك الحزات=مايزين القصيد الا على حله

ياسلامي على وجه السعد بذات=من يمينه تعقد الحبل و تحله

راعي الوجه الأبيض جابر العثرات=الوطن تحت ظل الله بعدها ظله

أبلج كنه البراق بالظلمات=واضح مثل ما توضح لنا المله

شامخ بالمواقف يكسب الطالات=صيرمي يقص الراس و يتله

كان مصر الشقيقة تعشق السادات=حن و هم و العرب بظل عبد الله

مرحبا مرحبا ياقايد القادات=ياهلا ياهلا بك ياهلا و الله

بنيابة عن الي يكسب الشارات=شيخ شمل اقحطان و جابر الخله

بن دليم المقدم بأول الهيات=في الحماد و جبال الريث و الجله

له عهود قديمة من زمان فات=من جدوده و عهدك صار عهد له

وبسم فارس **طان هل الهقوات=مرحبا مرحبا و الطيب لك كله

وب و لي العهد يامرحبا ميات=مرحبا يابو خالد و أنت عضد له

طير حر جناحك يعشق الطلعات=مجلس الطيب و الناموس تحتله

ياملكنا لعينك ترخص الهامات=مانساوم على حبك و لا بله

يابوا متعب لوقفات القدم حزات=قلب ما له و لاء لك جعله العله

سيدي حن عيالك و الشعوب اشتات=والوطن ما يهان و حن عيال له

حن جنودك بلا رتبة بلا بدلات=راعي الذود يسبق راعي الفله.

كلنا من البحر لين البحر قوات=شعبنا من تحت راية زعيم له

ندحم الضد بمتون لها صملات=من زمان القناء و السيف و السله

نعشق الموت عشق الطفل للعبرات=ولا عشق الفتى للي تكحل له

والخوارج ما نقبل منهم الزلات=قل لراعي الردى ياأعلامنا قله.

قله انا هل التاريخ و الفزعات=لايحسب سيوف الحق صيد له

والله ان ما ينقصنا ليا من ما ت=وأن رجع بطريق الحق فاقوى له

كل حصني خبيث يدور الحيلات=نضربه وجه لا لا ما نتحيل له

لانشكك و لا تدخل بنا الشكات=ناصله من هنا منيه ناصله

وأن و صلناه ما جينا على الغرات=ننذره و أن رفض لا ما نتحصن له

ناخذ الثار منه حزة الوقفات=يدفن ال** ما نرضى له الزله

مرحبا يابو متعب و برك الحزات= بأسم شيخ اقحطان و جمعنا كله