كلام عن المذاكره
لو عايز تحسن ذاكرتك هاديلك شويه اشياء من و حى خبرتى فعالم المذاكرة:
الأكل:
لازم تهتم بالأكل , و خصوصا الأكلات الى يمكن تحسن اداء الذاكرة.. ك:
التمر- اللوز- الحليب- التفاح العنب الغامق- و جميع مشروبات الصويا..
و كمان العسل و شاى الجنزبيل و عصير الجزر محفزات جميلة للذاكرة…
و اجتناب الكحول و المخدرات طبعا, لأنها بتضيع الذاكره !!!
النوم:
فية بعض الأبحاث بتقول ان النوم هو مرحله بيقوم بها العقل بتثبيت المعلومات اللى خدناها طول اليوم .. يعنى يفضل سيادتك تنام بعد المذاكره شويه بدل ما تفضل سهران الليل بطولة و انت مش مركز و قاعد تذاكر برضة !
الراحه مهمه و لازم تذاكر و انت مركز , و تنال قسط مناسب من النوم.. بس اوعي يبقي النوم هى و سيلتك المفضله للهرب من المذاكره … انا باقول نام لك شويه بعد ما تذاكر مذاكره كتيرة..
التنظيم:
مهم جدا جدا قبل ما تذاكر , ترتب الورق و المذكرات و الكتب بتاعتك.. جميع ما ده لوحدها و جميع جزء لوحده.. عشان تعرف بالضبط (حجم) جميع ما دة..عشان تعرف بالضبط فاضل لك اية و ذاكرت اية فتقدر تعرف هاتذاكرها فو قت اد ايه.
التنظيم نصف المذاكرة.. لأن الورق لو كلة علي بعضة , مش هاتعرف تذاكر و هاتيأس و تسيب المذاكره و تقوم..لأنك مش عارف راسك من رجليك.. خليك فاكر : التنظيم نصف المذاكرة.
الألحان :
لو فية معلومه معصلجه مع سيادتك و مش عارف تحفظها, غنيها !
أيوة .. لو حاولت تفتكر عبارات اغنيه .. مش هاتعرف تفتكرها الا لو افتكرت اللحن, ساعتها هايبقي سهل تفتكر الكلام ..
الألحان بتخلى الحفظ اسهل.. مش ملاحظ ان بتوع الإعلانات بيحطوا اسم المنتج فاغنيه ؟
عرفت لية ؟
عشان الناس تحفظها !!
مثال :
إعلانات ارقام الانترنت .. اكمل الأغنيه : 0777(و ثم ؟)
بلاش لخبطة:
أى عمل غير منتة فحياتك , يمكن يخلى بالك مشغول..
فضى نفسك للمذاكره و بلاش تخلى بالك مشغول ف5638 حاجه !
الضحك :
الاشياء المضحكه عمرها ما بتتنسي..
لو فية معلومه معصلجه معاك حطها فنكته او بص لها كإن دمها خفيف ..
اخترع النكت و اسخر من المنهج اللى بتحفظه هاتلاقى نفسك بتحبة و عارف تذاكره..
مثال :
كنا بندرس عن عالم كبير اسمة (مالبيجي) و كان اسمة رخم و مش عارف احفظة.. اول ما تخيلت انه اسمة (مليجي) بس خواجة.. لقيت العمليه سهله الحفظ !
اهتم:
من المهم ان تكون مهتما بما تقرأ.. يعنى حاسس انك عايز تعرف المعلومه دى فعلا و عايز تستفيد منها..خليك حاسس بالفضول نحو المقال عشان تلاقية مسلي.. و حط دماغك فالمقال ..
قرر:
قرر انك هاتحفظ المنهج بنسبه 100% مهما كلفك الأمر , و ذاكر بهذة العقليه و انت مصمم ان : يا انا يا الأمتحان بقي !
سبب رئيسى بيخلينا مش عارفين نحفظ , و هو اعتقادنا الداخلى ان ذاكرتنا ضعيفه !
لو امنت ان ذاكرتك قويه و قلت كدة لنفسك , و قررت انك هاتحفظ و تستوعب المنهج كلة بأقل تفاصيله, هاتترسخ جواك الفكره دى .
خليك ايجابي:
حط خطوط تحت الكلام المهم , لخص النقاط المهمه , سمع لنفسك , ….. اعمل اشياء ملموسه تحس منها انك ما شى فالطريق الصحيح و مش سلبي.
ركز فالتفاصيل:
اعتبر جميع معلومه صغيره مهمه .. و اعتبر انك هاتحكى جميع التفاصيل دى لواحد صاحبك بكره و انتم خارجين مع بعض.. اعتبر ان فية ناس صحابك عايزين يعرفوا التفاصيل دى و انك هاتحكيهالهم بكرة..
و خلى بالك ..
ادى نفسك فرصه انك تنسي شويه .. جميع ما تذاكر كتير, هاتنسي اشياء مش مؤثره قوي..
لكن لو مذاكر قليل, لو نسيت معلومه و احده هاتروح فابو نكله !
اتكلم بصوت عالى :
بكدة حواس كتير هاتشتغل علي المعلومه دى .. اشرح المعلومه دى لحد , او اكتبها و اقراها تانى .. ما تبقاش بس مستقبل سلبى للمعلومة, طلعها من جواك برضة -بأى طريقة- عشان ترسخ المعلومه اكتر.
المراجعه :
بعد جميع دة .. راجع يا باشا !
و ابقي قابلنى لو سؤال و قف قدام سيادتك.
- كلام عن الدراسه
- كلام جميل عن الدراسة
- كلام قبل المذاكرة
- كلام عن المذاكره
- اقوال العلماء في المذاكرة
- كلام حزين على المذاكره
- مقال عن المذاكرة
