آخر تحديث في 3 أبريل 2020 الجمعة 10:48 صباحًا بواسطة

كلام يبكي

 

يواسيني و انا الميت و حالي يجبر الدمعات

تسيل من الذي فيني و يبكي و هو يواسيني

وانا ابكي و اتنهد و ارسم بالحزن لوحات

يجبروني لامشي و رجلي ما تمشيني

قتلت رعايتي بيدي قتلت الحب و الرحمات

حرمت النفس من حقها و انا ابكيها و تبكيني

وكنه حلم قدامي يقيدني من الصرخات

اريد اصحي و لكني عجزت القى الى يصحيني

فداك القلب ياامي و مهما قلت من كلمات

صغيرة بكبر حقك فقط اتمنى تعذريني

نهبت الفرح من بيتي صحيح انني خسيس الذات

صحيح انني ولد طايش و كل ما اسمعه فيني

تجول عيونهم فيني تفصل مني قياسات

وتشيح و جوههم عني و كني غيرت اسلامي

يظنوا حزنهم اكبر و هم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك و غابت نشوة اللذات

وصار الهم عكازي اباكيه و يباكيني

عطيتيني بدون حساب و لا سمعتك تقولي هات

وانا اشرب حيل من دمك و دمك ما يكفيني

ياامي ارجعي كافي ابجلس معك لو لحظات

واقبل ايدك و رجلك و افرش لك رمش عيني

يا امي ما تحملهم يقولوا فات ما ربما ما ت

تعالى غيري هالقول و اطيعك باقي سنيني

واترك عادة التدخين و انفذ ما تبي بسكات

واصلي الفجر بالمسجد قبل منتي تصحيني

يا امي ارجعي تكفين و طفي شمعة الآهات

ابيك انتي و لا غيرك على موتك تعزيني

وضميني و داويني مثل ما كانت الهقوات

ما اريد احدا يواسيني اريدك انتي تواسيني

ارجوك لكن لا تبكي اذا شفتي بي الدمعات

انا مقوى ابكيك اذا انتي تبكيني ..

• كلام يبكي القلب