كلمات اغاني جعفر السقيد

عبارات اغانى جعفر السقيد

عليكم الله يا احباب اتلموا و ابقوا قراب

خلونا النعيش ايامنا الموت يا داخلنا الباب

الدنيا العبوس غدارة زي راية الفكي الكضاب

تضحك لك تقول جيدلي تتكئ تغرس النشاب

الموت يا صحاب بالجملة اصبح ما بدورلو اسباب

والعاقل يعيش اياموا ما دام من تراب لتراب

هسي ان ما تو مننا عشرة تلقاهم تمنية شباب

والتاسع يصبح و سطاني و العاشر يصبح يا داب

اخدوا الحمكة من تربالنا اتوكل رمي التيراب

وعارف ربو من ينساهو و الصابر دعاهو مجاب

علمني الزمن يا خلا درسا ما قريتلو كتاب انو الدنيا مهما تبقى كلها فسؤال و جواب

اللقي يارفاق من الله زيو ايضا الانجاب و الحظ ما بتجيبوا القوة و الشقي ما بزيلو عذاب

والبكا ما بجيب الرايحة لو جرت الدموع صباب و الافراح تدور يمشولا و الاحزان تجيك فالباب

الدايرة السعادة يكوسها و بينا و بين حزنا حجاب اولا فرنين الضحكة قمتا فلقي الاحباب

يا اخوانا التفاؤل نعمة ديمة يريح الاعصاب

والزول اليصبح متشائم العصفور يشوفو غراب

زولا فو ضوحو بلا الشمس و د حمداحمد يا رفاق

من شب قام درفون صغير سوالو جوة الناس عرش

يا هو الركيزة الفي الفريق زول حوبة شقيش ما يمش

تلقاهو قدام الرجال حا شاهو كلمتوا ما بتطش

من شب قام زولا قنوع ما زكا يوم درب القرش

وما شالو حق زول بالغلط و ما بيرضي سمعتو تنهبش

في ليلة كان راقد حزين و سارح فالزمن الوحش

كيفن بعد كان حالو زين و السوق مفرهد و منتعش

مرت عليهو سنين عجاف ضماير الناس تطش

بس فجاة سمع الباب يدق يالله خير و اطرافو كلها ترتعش

فتح البوابة بلا نفس و قدامو كان و د الفتح

قال ليهو ادخل قالو لا انا حالي ما داير شرح

قال ليهو جيت و العشم سايقني يا اب رايا سمح

وقفت قصاد بيتي الظروف حلفت يمين ما تزح

البيت معاهو المدرسة خلني بي ايدى ازح

والنخلة هادي قدر تشيل ياخدوهو قبال يصطبح

قال ليهو بس نقع البنوك سلفية و الحال ينصلح

قلبة و قلبتين و يا رفيق و ثم نشيل نحن الربح

يا امة نقع الفتل ما الدنيا اصلو فرندقس

يوم انت طاير فالسماء و يوم تحبو فجمر الفلس

بس قوي قلبك يا رفيق و نضمك يصبح عجوة محس

من بدو كان درت النجوم تلقاها فشهقة نفس

قبال كمان تصحي الشمس مشي للخزين و د العوض

قال ليهو الا تمشي معاي اولادي ديك اكلو القرض

اتماسكوا الاتنين سوا و دحمداحمد داير يطير

مرات يجك و مرات يخب و مرات تحسبو زي عزير

بس فجاءة فلمح البصر لقي نفسو قدام المدير

نزلهم جميع الشروط فيهم شرط قاسي و عسير كان الشرط اية الضمان ما البنك منهجو برمكى

صاحبنا قام رهن الارض الشاربة من دمو الزكي مداهو معني الانتماء و الضحكة فالزمن البكى

ذرات ترابة تقولو لا و الدنيا غرقت فالبكي و ين تاني تلقالك حضن ياويك و كتين تشتكى

مين السواى البفهك يا حمداحمد غير حكي انا ياني امك يا جناى من قمت زى تمر الفكى

يومو اليشيل فوقك تعب لابد فوق انا تتكى

لابد نرجع لي صاد لو حتي فاخر العمر

ربيت اعمامك و ابوك و ما احتاجو لاعند القبر

يا ابني لا ترهني هوي يا ابني عضي الصبر

ودحمداحمد بي حصار خلط البيصلح بالبضر

ماهمو اية باكر يصبح ما طالا حقتق للغرض

شال القريشات و فجيبو شيك سمو السند

مبسوط و يضحك منتشي و صاحبك يفوجج فالبلد

اولادو دايرين يابا جيب صاحبنا يدى بلا عدد

البت تجيهو المدرسة صاحبنا يدى بلا عدد

الحاجة همها توب سمح صاحبنا يدى بلا عدد

لامن شهور الجن مضن لقي نفسو مخنوق بالمسد

الشيكا باقي و قيتا جا اقصاهو لا يوم الاحد

ودحمداحمد انضرب بقي يجرى زي القنقرد

مرات يفوتك فالسلام مرات يسوي بكي و حرد

بس فجاة صاحبك اختفي همل عقابتو و شرد

ما راعي احساس الورا و ما راعي احساس البت و الولد

ولي زوجتو الممكن تضيع فزحمة الزمن النكد