عبارات اغانى سودانيه
الزياره ..
أفكارى الحيارى
ضاعت بإختيارا
حبيبى اة انا قلبى تاة فيوم الزياره
الدنيا و عمارا
و الجنه و نعيما بزهورا و بعدها ارا
الناصع بياضا و الخاطف صفارها و الفاتح حمارها
فصود فخدود يضون و خدود بدون اماره
يرسلوا نور ملون احمر اخضر اصفر
فاتن يا سماره
إلتفت و اهدانى نظره بزرى بالزهر و ازدهارا
مثلت بها الوداعة و خفه الروح و المهاره
دا الجذب قلبى بى فنه
نظره منى و نظره منة و ارتفعت الحراره
و التهبت العواطف و اصل النار شراره
شال منام عينى و توارى
سابنى و حدى اشدو و جدي
و ارسل الآهات مرارا
ماهو عارف البى لأنة لسة ننو
حولة ناس بالعيد يهنوا
و ناس متابعنة و يغنو
و انا روحى لية تتوق
داعيها حادى الشوق
هايمة فليلها و نهارها
و انت يا الناعسات عيونك
الله لعيونى السهارى
_.._.._.._.._.._
من طرف الحبيب …
من طرف الحبيب
جات اغرب رسائل
يحكى عتابة فيها
وقال ناسينة قائل
******
ياما قال حكاوي
ما خطرت ببالي
قال فكل كلمة
إنى جفيتة سالي
لو فكل لحظة
لو تعلم بحالي
ما ناسيك و الله
ذكراك شاغلة بالي
لو انساك انت
اكون غدار و خنته
أسأل عنى غيري
واحكم فمصير
ياما تشوف دلائل
******
ياما قال كلام ما لى دخل بيه
إنى بروح لغيره
بهوي و أصطفيه
إنشاء الله حياتى تفنى
دا لو فكرت فيه
لا لا و ألف لا لا
دا حبك عشت بيه
بدل اشواق و محنه
ترسل لى مظنه
كلام يجرح شعوري
وما يريح ضميري
من زول عنة سائل
_.._.._.._.._.._
حرمت الحب و الريده …
حرمت الحب و الريده .. برضى ما ارضيتك
صعبان على و حياتك .. يا ريت لو ما حبيت
قست الدنيا على .. و جافا النوم عيني
مع هجرانك لى .. حالفه تغدرى بي
فكرى الحيرتيهو .. و قلبى الوقفتيهو
صونى و عدك ليهو .. اوعك تخلفي
لية صديتى يا ظالمه .. و اتناسيتى يا حالمة
يا زهر حياتى ربيعى .. انا روحى بيكم هايمة
خليتينى فحيره .. و ما راعيتى الجيرة
انا جارك و انتى يا جاره .. بهواكى رغم الغيرة
ريدتنا اتناسيتيها .. سعاده استبدلتيها
احلام و بددتيها .. ظلمتى جنيتى عليها
و احبك …
لو احبك انا عمرى كلو
برضو شاعر ما كفاني
انت فاكر بالعواطف
ظاهره فروحى و كياني
والمحبه البين ضلوعي
خايفه برويها بحناني
المساهر بالى فيها
وان نسيت كانت اماني
مشتريها بى شبابي
والشباب ما بجينى تاني
بين شفايفك و ابتسامة
زى قمر ضوي فحياتي
وكل بسمه بتثير شجوني
وما فزول يرحم شتاتي
لما تحكى الشوق عيني
أو تعاتبك اغنياتي
بكلمه روعه من لساني
فيها احلى ذكرياتي
بس بنظره بترد علي
من بعيد تلهم سكاتي
كن مجامل يا حبيبي
ويكفى انك تصطفيني
عشى خاوى من ليالي
والمهاد بشهد انيني
الضلام بكذب عليهو
بى حروف النور حنيني
والنجوم تشهد ضنايا
وتقرا فيهو صفحه جبيني
متين تعود ايام هنايا
وتانى ترجع تصطفيني
_.._.._.._.._.._.._
ايامنا …
يا النسيت ايامنا
الضقنا بها غرامنا
ايامنا
فى الفواد ذكراها
قولى كيف تنساها
ما بحن لسواها
للممات نطراها
يا النسيت ايامنا
ايامنا
فى الفواد الجوه
يا ام جبين ضوه
يا النسيت الخوه
يا النسيت ايامنا
ايامنا فالليالى الحالمه
فى الجزيرة العائمه
والعوازال نائمه
والمحبة الدائمه
يا النسيت ايامنا
الضقنا بها غرامنا
ايامنا و نار هوانا القائده
والظروف الكائده
يا الحبيب يوم عائده
ايامنا
يالنسيت يا حليله
الرائعة جميله
طول نهارة و ليله
كم مشت لقيلة و ليله
يا النسيت ايامنا
الضقنا بها غرامنا
_.._.._.._.._.._.._
سالب فؤادى …
سالب فؤادى و ما عليك
انا فجحيم مستاق اليك
يا من احبك و اصطفيك
انا لى روح مفتونة بيك
حلم الربيع من منظرك
و اسحر لكل من ينظرك
يا اسمي ايات الوجود
كل الخلوق تتشابة ليك
كل الجمال و هبوة ليك
وجعلو السحر فمغلتيك
خلقوك اية من الجمال
رقة و رشاقة و طيب خصال
يا من بحبك اكتفيت
مقتول هواك
والجرحونى سهام عينيك
اتمنا امثل بين اديك
و تسالنى عن اعجابى بيك
تلقانى مخلص فهواك
لم اوهب الحب لسواك
يا نور حياتى و دنيتي
ظلموى بلقالوهو ليك
ظلمونى بلقالوهو ليك
ياحبيبى بالجابوهو ليك
فى الطيف..
فى الطيف او فالصحيان زورني
يا حبيبى انا عيان
مالو لو فبعض الاحيان
تسمح لى صحوا اراك عيان
تاخذ يا حبيبى عن حالى بيان
عسي تبقى قلوبنا فالغرام سيان
يا الفريد فحسنك و بهجه امدرمان
لى من شوفتك يا حبيبى زمان
أنا ساهر و نوم عينى حرمان
و انت بين اترابك فنعيم و امان
النحول على جسمى يا حبيبى بيان
و انت جسمك نامى و بالنعيم طربان
لو رأك الناسك المن الله جبان
بيك يفتن و يكون بالغرام تعبان
قبل حسنك قط ما رأيت انسان
فاق العسجد لمعه و الحرير لمسان
كيف يحصر و صفك يا حبيبى لسان
و البان اتعلم من قامتك الميسان
ما الدرر لثناك ما فتاة الحان
للماك و ايه نفحه الريحان
إنت حسنك كامل لكن لمحان
خدك قاسى و قلبك ما حان
_…_…_…_…_…_
ليل و خمر و شفاة …
أغنيات فشفاة الحب غناها الجمال
والمني يا روح قلبي ليس يفنية الدلال
أغرقتني بين امواج المنى
والمني شط علي بحر الغرام
وسقتني خمر اعناب الهنا
والهنا كأس و همس و إنسجام
علمتني كيف انسي من انا
وأنا لفظ حرام فالهيام
يا سقاه الكأس من عهد الرشيد
ما لكاسي ظمئا ابدا و حيد
ونديمى
قد سري نجما مع الأفق البعيد
حطم الكأس و ولى
وانطفا نجم تلألأ
وغدت
تبكي علي شفتى اصداء النشيد
ليل و خمر و شفاه
هن للقلب لظاه
هن اكسير الحياة
شعرها ليل تموج
صدرها الوثاب هودج
شفه عطشي .. و أخري هي كأس
خمرها نار و جمرة
ليتني لو ذقتها فالعمر مرة
_…_…_…_…_…_…_
لية بتسأل …
لية بتسأل عنى تانى بعد ما شلت الاماني
روحت خليتنى لزمانى و انت عارف على جاني
لو ببعدك الليالى تداوى غلبى و لاتانى ترجع الافراح فقلبي
كنت و اهم يا حبيبي
دى الليالى امر ليا من دموعى الفى عنيا
كل لحظه تمر عليا تنقص الايام شوية
واطفى شمعاتى القليله و اروع ابكى و اقول حليلا
للدموع النازلا جميع ليله زايده اشواقس و حناني
امنياتك من حياتك زاد حياتى كنت احلى كنت احلى امنياتي
انا عهدى راح ما اظنوا اتى و ما فضل يا ناس غير اغنياتي
وفيها ضاءت ذكرياتي
مره اضحك و مره ابكى و مره اتحمل اسيا
مره اهرب منو و اشكى و اعتبر حبك حكاية
عشت بها بكل روحى تشفى ليا زوهدى و جروحي
كنت دارى كنت دوحى و اختفيت يا نور زماني
_…_…_…_…_…_…_…_
عيون الصيد…
عيون الصيد ناعسات عيوني
عيون النيل حاكن عيوني
نسيت قلبى و روحى و نسوني
وفقدت الكانو يأنسوني
ليالى هناى جد عاكسوني
وأخاصم النوم كيف درسوني
مع الآلام هاجت شجوني
وأطبا الكون ما عالجوني
جفوا و بى نفورهم هيجوني
متين فالطيف يصبوا و يجوني
مقر املى و فيهم ظنوني
يزيدوا دلال و تزيد جنوني
لذيذ تعذيبهم لو ضننوني
وصالهم اه.. راحتى و منوني
_…_…_…_…_…_
العاطفه النبيله …
بإسم الحب بقدم ليك حياتي و معاها العاطفه النبيلة
عليك ياحب تحياتى
عليك اوقفتة غاياتى
لحبي اضحي بحياتى
احب الحب و ايامو
وذكرياتو و احلامو
ومايوحية الهامو
حياة الحب اسميها السعاده بكل معانيها
اقيف ليلاي اغنيها روح ياليل تعال ياليل
احب فكل اوقاتي الاقي حبيبي يوماتى
اقيف ليهو يقول لي العهود بيناتنا مرعية
اقول ليهو تعال لي حبيب ريدي تعال لى
نجلس جلسه غزليه امتع فيك عينى
اشوفك و انسي الامي اقول حققتة احلامى
علي تميل
عليك اميل عشان نميل سوا ياجميل
فيك امعنتة نظراتي و جدتك جميع مسراتى
وافراحي و ملزاتى
احبك و انسي فيك زاتى
حبيبي غرامي تقديسك و يرتاح قلبي بي حديثك
حديثك شفي العليل
وحاتك يالصادق نبيل البيشبة حبي الاصيل
يصبح جميل
وانا يارائع اهوي الرائع يصبح جميل
_…_…_…_…_…_…_…_
يا غايب عن العين …
يا غايب عن العين …
أنت موجود فعينى الاتنين
هواك لازال بوالينى …
خيالك جوة فعيوني..
لكن انت ناسينى ….
وانا الاشواقى ليك زايدين..
يا غايب عن العين …
أنت موجود فعينى الاتنين
ولية يا روحى متخاصمين….
بعد ما كنا متحابين…
ياروحى الفراق لمتين…
فراق يومين على سنتين….
يا غايب عن العين …
أنت موجود فعينى الاتنين
ياغايب عن عيني….
حصل اية بينك و بيني….
تجافينى و تعاديني….
وتترك قلبى بين نارين..!!
يا غايب عن العين …
أنت موجود فعينى الاتنين
_…_…_…_…_…_…_…_
قطار الشوق …
قطار الشوق متين ترحل تودينا
نشوف بلدا حنان اهلا ترسي هنالك ترسينا
نسائم عطبره الروعه تهدينا و ترسينا
نقابل بها ناس طيبين فراقم كان مبكينا
يا قطار الشوق متين توصل هنالك حبيبنا راجينا
متين نحضن عويناتو متين يسرع يحيينا
يا قطار الشوق دا ليل الغربه فيهو و دار
متين تسرع متين بتكمل المشوار
عشان ما نلقي سيد الناس و نطفي البينا من النار
نشوفو عيونو نعسانه و لونو الزاهي كلو نضار
يا قطار الشوق حبيبنا هنالك يحسب فمسافاتك
و لو تعرف غلاوه الريد كنت نسيت محطاتك
وكان بدرت فالميعاد و كان قللته ساعاتك
و كان حنيت علي مره و كان حركت عجلاتك
_…_…_…_…_…_…_…_…_…_
فى بعدك ياغالى …
في بعدك ياغالي ضناني الالم
وعشت مع الليالي لاحب لا نغم
ومن لمسات حنانك خلاص تمينا دور
ايام مرة خالية من طعم السرور
كل ما غني شادي دوبني الشعور
واقول ياريت حبيبي لو فالطيف يزور
لو كان التمني بينفع جميع حبيب
ماكان السعادة بقت قسمة و نصيب
ولا قلوبنا الحياري مع الايام تشيب
ولا عاش قلبي تاية عن حبك قريب
لاتسأل مشاعرك لية عيني بكن
يوم و دعني حسنك و لا زمني الشجن
وباكر ياحبيبي يعلمك الزمن
لية دنيا المحبة للعشاق و طن
_…_…_…_…_…_…_
- كلمات اغانى سودانيه
- كلمات اغاني سودانية حب وغزل
- اغاني سودانية قديمة مكتوبة
- كلمات اغاني سودانية قديمة
- اغاني اوعك من النار
- كلمات اغاني سودانية PDF
- اغاني حب سودانية مكتوبة
- كلمات اغانى سودانيه ودوبيت
- كلمات اغانى سودانيه دوبيت
- قطار الشوق اغنية سودانية كلمات
