شدوا ليك ركب فوق مهرك الجماح
ضرغام الرجال الفارس الجحجاح
تمساح الدميرة الما بيكتلو سلاح
السم النقوع الفى البدن نتاح
يا عصار المفازة اللعيون كتاح
المال ما بيهمك ان كتر و ان راح
بطنا جابتك و الله ما بتندم
يا اسد الكداد الفى خلاك رزم
يا رعد الخريف الفى سماك دمدم
بابك ما انقفل نارك تجيب اللم
مابتعزم تقول غيراستريح حرم
ابواتك جبير بيحلو للعوجات
مطمورتك تكيل للخالة و العمات
فى الجود و الكرم ايديك دوام بارزات
يا اب قلبا حديد فالحوبة ما بتنفات
عينيك يا الصقر فالحارة ما بتنوم
صدرك للصعاب دايما بعرف العوم
فى و سط الفريق للفارغة ما بتحوم
لا بتنلام و لا بتعرف تجيب اللوم
ود ناسا عزاز جمعوا المكارم كوم
تفخر بيك فتيات البادية و الخرطوم
- كلمات اغاني سيد خليفة
- اغنية الفارس الجحجاح كتابة
- عن اغاني سيد خليفه
- الفارس الجحجاح كلمات
- سيد خليفة الفارس الجحجاح كلمات
- اغاني سيد خليفة
- سيد خليفه ابواتك بحلو للعوجات
- اغني سيد خليف ياعاني
- سيد خليفه اعصا رالمفاذة
- اغاني سيد خليفة كلمات
