عبارات اغانى شايقيه

54411″ align=”center”>

ام الحسن

وقفت بعد حلبت لبينه الشاى تكورك يا الحسن


يا ام الحسن و ينو الحسن


ولمن صفت رغوه شخيبات اللبن فحلتا المبنيه من طبق السكن


واقفى فحوش البهايم و لسع تكورك يا الحسن


جاها حسا من بعيد ما رق من القاطوع و را


قال ليها خير يا الحاجة خير


قالتلو خير تعال لى جاى دايراك تعنون لى جواب يا الراسى لى و لدى الخدير


لا تبقى زى شافع السرير يقول لى زين ايمه زين و زين تبقى بعد شهير


وان جانى يكتب فد سطير


اقولو يا سجم السجم انا زى قرايتك ما قريت لكن عويناتى بيفرزن الوريقه البيضاء من لون القلم


بعد المغيرب بى شوى جاها الحسن تعبان يسير


دا العشي غنمو من الدرب و سرقت ندى و شو الهجير


سوتلو شايا بى لبن قرض معاهو حرف فطير


قالتلو بسم الله قول و اكتب و صيتى انا للخدير


الزمن يا و لدى ما حقاهو السنين


البعيش فالدنيا ما بعيش مرتين


العمير فاضل لى بس منو اليقين


وانت طول(ت) فالبنادر يا الحبيب لا متين


تعال اوريك حق ابوك الجم حقيق حاج اللمين


ان عرفتو بلا عمار يقولو و لدا عندو طين


العلاج لا تنسى رسلو لى دحين


العوينات يا جناى شوفن ضنين


سلامنا ليك مطرز للبنيات و البنين


ولو الارض يا و لدى تنشال فالايدين انا كت برسلا ليك


فى لورى الخزين


.

 

 


54412″ align=”center”>

معزور

معذور لو قلبى اشتهاك ما انت عارف

فرقتك ما بيحملا القلب الهواك

دة مناة يوم ما نفترق يا ريتو كان يفضل معاك

لو بى مرادو يقوم يجيك تلقاة بين ايديك حداك

متمنى يلحق بيك سريع نتلاقى و الاشواق هناك

جاييك هارب من سنين جاييك و اقع فحواك

غلبو النواح يوم فرقتك بالدهشه خانس اتعبر

ما بين نوازع الروح اليك هايم و بين حكم القدر

ما اتزعزع الايمان جواة و لكنو فالاخر بشر

قايل عليك شده و تزول ما قايلك انت على سفر

ما كان هو فاهم يومو داك اية ضحكت البرق اللصف

ولا كان هو شايف للهموم الجاية و اقفات ليهو صف

ولا كان هو حاسس بالغرام البانى فالغيم اتنسف

لقى نفسو فجاه بلا و جيع مفجوع و مفقوع بالاسف

يا ريتو كان و قف الزمان قبال تروح صد و رجع

ما كان غشانا الحزن يوم لا فرقة بيناتنا بتقع

كان لا رثيتك لا بكيت لا قلبى فيك يوم اتفجع

وما كان قدر ذكراك صبح يومها التزور مرة و رجع

 

• اغاني شايقية مكتوبة عن الحب وعمق الحب
• اغاني شايقية مكتوبة
• اغاني شايقية حزينة
• كلمات اغاني شايقيه
• اغاني شايقية مكتوبه
• كلمات اغاني شايقية حزينه
• كلمات أغاني الشايقيه
• كلمات أغاني شايقيه
• كلمات اغاني الشايقية
• كلمات اغاني شايقية