كلمات اغاني كمال ترباس

عبارات اغانى كمال ترباس

اغالب دمعي و اتصبر

واقول يا الله صبرنى

علي فراقك يا اغلي الناس

سواد حظي الملازمنى

أمانى هوانا يا حليلا

وحليل فرحى و هناى معاه

حليلو الاغلي من عيني

حليلو الكنت بتمناه

حليلو العمرى ضاع بعده

حليلو المافى زول بيسواه

اعذب قليبى بى دمعه

وفاقد سلوي فذكراه

كلمات اغاني ترباس

مساهر و طرفي جافي النوم

اريت لو مره طيفو يزور

اشوفو و طلعتو تفرح

تضوي سماي احلي بدور

اعيش لو لحظه بى قربو

مناي اللحظه تبقي دهور

عظيم فيهو الدلال خايل

حبييبي الكلو نور فنور

انا الحافظ و دادو سنين

انا الماخنت عهد الريد

انا الصابر عليك ياهم

وانا الوافي و هواي فريد

زمان قالوا الغرام قسمة

حقيقه القسمه ما بالايد

مصيرو الحي يعود تانى

ويهل فديارنا احلى عيد

أذكرى ايام صفانا و أذكري

عهد اللقا و الليالى الفى حبور

اذكرى اوقات صفانا

والليالى الفيها متبادلين و فانا

إصطفينا ظروفنا و الحظ اصطفانا

جينا بى جميع اقتراح

من حديث يشفى الجراح

بى مغازلة بى انشراح

والقمر فضياة عالق

والنسيم يهدينا ارواح الزهور

كنا داخل روضه ما فيش حد سوانا

غير ان القمرى يهتف بى هوانا

من اغاريد فنو يسمعنا اسطوانه

اما ارواحنا الخفاف

رافلة بى اثواب عفاف

زى عرايس يوم زفاف

والنجوم بعيون تسارق فاشتياق

تنظرنا من خلف الستار

الرياض مبتهجة ضاحك اقحوانا

والزهور نديانة تستقبل اوانا

رانعة يانعة و زاهيه فثوب ارجوانا

والنهر ليها اقترب

والطيور تسجع طرب

وعاملة موسيقه قرب

أنحنا صار مجلسنا عامر فطرب

فى نشوه فغبطه و حبور

يا انيس الحسن يا سامى المكانة

من عواطفك حبى لو فاقد مكانه

اهدى لى تفاحة بس او برتكانه

فهى غير شك مرضية

منها اقتبس الضياء

بل اضوق طعم الحياه

انت ملهمنى الأغاني

انت مصدر فني

و احساسى و شعوري