همس الشوق
يا ريتني لو اقدر اقول
فيك الكلام الما انكتب
واجلي المقاطع بالدهب
وافرد صباح حسنك و شاح
يمسح عذاب عمري المسطر باللهب
بريدك
كلمة كان رفت
يهش ثغر النجوم و يسطع
ولما ينادي همس الشوق
يقيف جميع الزمن و يسمع
عيونك ديل عيون اهلى
حنان زي نغمة فمقطع
وطهرك تاج جواهرة العزه
وانتي العزة ليك تركع
بحبك يا صباح العيد
ويا فرح العريس السار
واحسك فسما الازمان
شمس بتضوي للمشوار
زمان يا روعة ساقني الليل
وغبت و ضعت فالاسفار
ولما لقيت عيونك ديل
بديت اعشق عيون الدار
وحاة ريدي اللي شاف طيفك
كتير قبال يلاقي و يشوف
جراح الماضي بيك نامت
وغابت جميع رعشة خوف
بحبك و ما فغيرك نور
يهل و يغمر طريق الشوف
وما فبلاك نور بسطع
ولا فرحا يسوقني يطوف
- ودالامين
- اغاني محمد الامين مكتوبة
- ودالامين اغاني مكتوبة
- اغاني ود الامين
- محمد ود الامين كتابة
- اغاني ودالامين
- اغاني ود الامين مكتوبة
- كلمات اغاني ودالامين
- صور ودالامين
- كلمات أغاني محمد الأمين
