عبارات حب سودانيه
يا سحابه زورى احبابنا الهنالك ..
وقولى ليهم الرسائل ما بتكفى حتى لو كانت قصائد …
والهواتف ما بتطمن حتى لو طال الكلام …
البكفينا العيون تحضن عيونك….
**********
مرات احس انك براك ما زينا انت الملاك و نحن البشر..
صمتك اصيل حزنك نبيل زى الغناوى المرهفة زى الدعاش …
ويا روعتك لمن تفيض بالطيبه زى موج البحر تغمر ضفافنا محبتك ….
**********
عيونى انا ….
عيون ترحل تسافر ليك ..
عيون مسكونة بى زاتك..
بتتمناك و تفرح بيك ..
اشتقت ليك
اشتقت للحظه البتسرق عمرى كلو تجيبو ليك
اشتقت للنجم البسافر فالخيال يرحل يجيك
اشتقت و الشوق
مستحيل فدربو يتمرد عليك
**************************************************
ياغنوه فو ترا حزين
ياضحكه فالزمن الصعب
يا و احه فعز الهجير
يا راحه من بعد التعب
يانسمه هبت فالدغيش
عزفت على و ترا صعب
يا رحمه من رب العباد
مكبوبه فوق خلق الله كب.
______________________________
هنالك اشخاص يعزفون علي اوتار احساسنا الحانا جميلة …
ويخلدون فينا ذكري لاتمحي ….
نهفو الى رؤياهم …
ويزدان الوجود بهم …
لنا الفخر بمعرفتهم …
فليحفظ الله الود بيننا …
++++++++++++++++++++++++++++++++
اتخيل الزول يشتهيك و يخاف …
ويهرب من لقاك يخاف عليك من شوقو ليك…
ما شوقو اكبر من هواك …
ما ريدو ليك ما بتوصف ما روحو دائما مشتهاك …
ما قلبو غيرك ما عرف و ما مستعد يعرف بلاك…
*************
قالو اصلو الدنيا معبر ..
فيها جد ما بتلقي راحة…
الا صاحب ليك يعزك…
يبقي عنوان الصراحة…
فى غيابة الدنيا و حشة…
فاقده لى انوار صباحة
**********************************
1- انت اعمق من احبك و ارقي من جميع المرافي و برضى عاجز لو ازيدك ديمه من عشقى الاضافى جميع ما افكر فريدك القي ريدى عليك خافى ما بقول عشقتك ملكنى و العيون بها اعترافي
2- يا القلت انك ما تنسيت و عدم سؤالك ما خصام لو كنا فخاطرك صحيح كان تقول حبه سلام يخرج عليك نسيت و اهديت مشاعرك للغمام و المابيرجع با الوفا ما اظنو يرجع با الكلام
3- حاولت اخدع نفسى و اهجر حبى ليك حاولت امسك نفسى ما امشى و اجيك و رحلت عنك و عن ديارك و هدمت جميع امالى فيك و برضى ما اقدر اسيبك لما انساك بشتهيك
4- القدر مكتوب مسطر ديمه نافذ امرو فينا ابقي ما تقطع رسايلك و خلى مرسالك يجينا بيهو نطمن عليكم و تعرفوا الحال العلينا
5- ملامحك ملامح زول رقيق حساس بترتاح ليك جميع الناس كلامو درر الماس كفايه اقول زول بكل الناس
6- لو الحياة بقت بلا امل و لو القلوب بقت من غير و جل و لو كتبوا علي كرامتى الزلل انا مستحيل منك ازعل الانك و احد عسسسسسسسل
7- يا سلام لو شفت حالى يو م تجينى رساله منك انسى ظلم الدنيا كلو و لى حروفك احكي عنك و احكي عن طيبه قليبك عن اصالتك و برضو حنك بفرح جوانا ساكن و ين نلاقي احلى منك
8- تحياتى كلام طفلين يلمو فوق الطين كلام عنوانو مشتاقين و ضحكه زول عسل زيك لطيف و حنين
9- لما القلوب با الشوق تدق تتشابة للناس العزاز لما النفوس تفضل تشع با الرهبه و الامل الملاذ يتلاشي مقياس المسافه و تسقط اوراق الحراز
10- لما اطراك فالليالى و ابدا اسرح فملامحك دون اراده اقيف عشانك و فالخيال با الايد اصافحك احكى ليك بعد المسافه و بى لهيب الشوق اصارحك ما انت اصلك حاجه تانيه و انا كيف اقدر ابارحك
- كلمات حب سودانيه
- عبارات سودانية
- ياسحابة زوري احباب هناك
- رساله حب سودانيه
- رسأله يأسحأبه زوري أحبأبنأ
- كلام سوداني رقيق
- تحميل أغنيه طأرق ألرسأئل مأ بتكفي حتي لو كأنه قصأئد
- كلمات ياسحابه زوري احبابنا الهناك
- تحميل إشتقت للحظة البتسرق عمري كلو تجيبو ليك
- اصعب كلمات سودانيه