53168″ align=”center”>
ما قالوا عليك حنين
ما قالوا عليك حنين بس نان و ينة الحنيه
لا تسال يوم عن حالي لاتشوف الباقي على
الببقي على اني هين لو انتي بتقبلو لى
سلمتك قلبي ما مل ترعاهو تبادلو الريده
وعشمتا في قربك و كنتا بحلم بجنة سعيده
انهارها و دادك و حبك و رضاك ريعها و عيده
ما قالوا عليك حنين و ينو التحنان و الريده
يا سلام لو ترضي علينا تدينا قليل من حنك
او تسال مرة عيونا كيف بالاشواق حاضننك
لو تسال يوم تلقانا كل ثانية= بنسال عنك
وكل لحظة هواك معانا يا غالي كتير راجنك
ما قالوا عليك حنين و رقيق بشكل خيالى
نشوان في دنيا جمالك سابح في سماك العالى
والشوق في هواك يضنينا و يسهر فينا ليالى
لكنك يا الحابنك ناسينا كدي طوالي .
ناس ناسينا من حنانا
وريدهم بجري في دمانا
سحابهم مرة و ما سقانا
وراح خلانا برانا
ناس ناسيانا و ناسية الريده
وناسية الناس في هواها شهيده
تقيد في قلوبنا النار و تزيده
وبرضو قلوبنا يا ناس بتريده
ناس خطواتها تقول تنهيده
واحدة تشيل و التانية تعيده
قلوبنا و راها تغني نشيده
في ناس خلقوها يا ناس للريده
سنين راجين نسعد بلقاهو
ومشتاقين لنور محياهو
وناسي الناس و الناس طارياهو
والزول الزيو منو البنساهو .
