كلمات اغاني صلاح بن الباديه

كلمات اغاني صلاح بن الباديه

 

الشوق و الوطن يا جنا
كلمات هاشم صديق
غناء صلاح ابن البادية

يا جنا يا جنا يا جنا ياااا جنا
****************
فى بعادنا عن ارض الحنان الليلة مرت كم سنه
يا ريت نعود للدار سراع نرتاح تحت شتل الهناء
واشوقنا لنخل الفريق الضامي في صدرو الجنا
للحلوة ام و جها قمر ضواى مورد بالهناء
********************
الليلة زارتنا الرؤى المنسوجة من عمق الجذور
رسمت صور ضوت جمال و جوة الخيال عاشت دهور
افراح فريق يوم الحصاد و جريف يضم طينو البذور
وزغرودة و صلت للسحاب و عريس معطر بالعطور
وجهاد فتح درب الصباح و شهيد ملفح بالزهور
وشباب بعز الارض شايل مبادئ نضال و نور
*********************
فى مرة طاف بيناالخيال بعد الغياب الطال جرح
شفنا البخور في الريح عبق و الليل شرب عطر الطلح
والغيم ربط فوق للفريق شافو الشتل شابا و فرح
و حدا الصريف قام الخدار حاضن صفيقات القمح
و القمرة نامت في الرمال و الطين شرب نديان صبح
و الوادى فرهد بالخريف اخضر بقشو السمح
*************************
الفين سلام
يا يمة يا شتل المحنة الشب في و سط الجروف
يا يابا يا الدرع المتين الليهو كم سجدت سيوف
يا جدة يا ام صوتا حنين حجواتا بالوادى بتطوف
ياالسمحة يا شمس الفريق الليها كم غنت حروف
فى الغربة يا اهلى الحنان كم عشنا في قسوة ظروف
و اشواقنا لى ارض الوطن و لخضرة الوادى العطوف
خلتنا كم ساقنا الخيال طار بينا لدارو الولوف
والفرحة غنت و صفقت و الشوق حضن شتل الجروف


‘فات الاوان’

فات الاوان و الانكتب على جبيننا الليلة بان
اصبحنا اغراب نحن القراب لا رعشة لا لمسة حنان
—————————————————–
فات الاوان و ما قادر اصدق انو نحن اواننا فات
كيفن سنين الحب تفوت يا داب ظلال افراحها جات
وكيف نفترق نقطع صلاتنا يوم ما بدت بينا الصلات
فات الاوان شيع غرامنا الاتولد ساعتو اللى ما ت
فات الاوان هات الدموع عبر صدى الماضل اللى كان
وفات الاوان و الانكتب على جبيننا الليلة بان
—————————————————–
انا عشت من قبلك غريب ما عرفت تقدير الزمن
احبابي من قبلك دموع و اصحابي من قبلك شجن
كان عمر حفلات من ضياع ما ليهو قيمة و لا تمن
ويوم ما عرفتك كان سنين العمر و لن و انتهن
فضلت اتحسر و اقول لية ما عرفتك من زمان
—————————————————
الله .

 

.الله .

 

.الله .

 

.

 

لحبى الاندثر يوم ما ظهر ما ضاق شباب
الله .

 

.الله .

 

.الله .

 

.

 

لقلبي الاحترق يوم انفتح للجنة باب
الله .

 

.الله .

 

.الله .

 

.

 

لشمعاتى الطفن يوم الظلام بالفرحة داب
الله .

 

.الله .

 

.الله .

 

.

 

لعمري الانتهى يوم ابتديت احسب حساب
وقول الوداع فات الاوان يا ريتو فات قبل الاوان
—————————————————

هدي بي ياشوق

هدي بي ياشوقي هدى**هدي بي قبال تعدى
انت ما ملزمني حدي بس تشيل فوقي و تودى
****
ماكفاية الغيبة دي الفيها كملت الخطاوى
ولا الدروب الطايلة ديك اصلي عاد ما كنت ناوى
دة المقدر ما بيدية اصلو كان مكتوب على
نمشي خلفك ياارادة بس مكان ما تودي و دى
****
شوف عجايب الدنيا كيف و كيف بقيت بتحملا
بي اوامر الشوق رضينا و اصلو لازم نقبلا
سوقي ياحنية سوقي سوي ذي ما تسوي فوقى
يلا ياسكتنا عدي اصلو ما بي الشوق يعدى
****
نحن شانك يامحنة نرضي مجبورين نطاوعك
ونفرش الازهار دروبك و المصير رضيان يبايعك
اي سكة نواصلا لم بكرة نحصلا
يلا روح ياشوقنا عدي روح مكان ما تودي و دى

ننساك
ننساك انت انت بتتنسي
ما انت روحنا و حبنا
سا فرنا في عنيك و لسة قلوبنا بيك متجننة

ولقينا في دنيا العيون ياسمى من النور غني
كون من رشاقة و امسيات باقات انيقة ملونه
الحان طروبة و شوشات انهر موسيقى و دندنه
فاضت دموعنا عليك حنان و انت في القلوب دوبتنا

يا اغلى من نور العيون شايلات قلوبنا هوى و حنان
اتوسد الافرا و اغنى الكون في ارجوحة جنان
اسرح خيالنا يطير يحلق يحلق بينا في عمر الزمان
واسقينا من خمرة هوانا السامي نرشفو نحتسي

غا المساء و الكون صبح عشاق جمال اتاملو
وكل الحروف الفى الخيال بى لهفة جاتو ما غلو
قالو الجمال يا غالى بيك كانت نهايتو و اولو
ونحن في هواك يا غالى لا لا بنطيق بعاد لا بنحملو
اصلو المحبين الحنان لا بنسوا لا بتحولو

بحبك

بحلف لك بحبك و انا مخلص لحبك
يا حبى و ربك اوعى تقولى لا لا

انا ساهر في دربك و انا هائم في حبك
يا حبى و ربك اوعى تقولى لا لا

يا ساكن في بالى بحلم بيك ليالي
بس اعطف بحالى و اوعى تقولى لا لا

حبى اليك صافي و حياتك يا جافي
لوعدك ما بتوافى و لية بتقولى لا لا

المريود

المريود شوية شوية نار الشوق كتيرة عليا

المشتولة فرع البانة البيك الخلوق تعبانه
احمل حاجة فيك يا فلانة رسم الحنة ضواء بنانه

فى عيونة الدلال و الشوق و في اخلاقة كل الذوق
ورتنى النجوم الفوق و قالت ليا اصبر روق

فى ايديها حلوة الحنة ما شة مع البنات تتني
لو قلبك على انا حن كان دقينا باب الجنة

كلموها ما تنسانا الضيعت عمري عشانه
المن الحنان خجلانة يا ناس عندي ليها امانة

ساقية جحا

انا اصلي يا عقد النجوم
فى الريدة زي ساقية جحا
والكفة في ميزان هواك
صعبان على ارجحا

*******

انا روحى بين افراح و هم
شوفيها كيف متارجحا
كل زادى في درب العمر
مصلاية في ضل الضحى
واسامي لما الليل يجن
امسك حروفا اسبحا
وانا في هواك درويش و حيد
وسنينى فايتا مروحا

*******

شايل شرافتى مع العصير
ارسم خطوطا و امسحا
انا لى حبيب حتى النسيم
لو زار خدودو يجرحا
لو طيفو زارنى مع الكرى
يسعد رويحتى يفرحا
وريدتى البشيلا حجا و جحاب
فى الهمسة ما نى موضحا
لكن عيوني وقت تريد
ما ريدا دايما فاضحا

*******

الهدف

موناى ياهدفى تتحقق و ارجع للوطن ظافر

كفاى غربة و فراق احباب و راك لى متين انا مسافر

سنين في الغربة متالم اعانى من العذاب الوان

اعيش في الليل بذكراهن وحيد بينن انا الانسان

اشيل الليل ضني و تفكير و في بحر اللهموم قرقان

اتوة في ظلمة شارد البال اسافر في الخيال سرحان

واحلم بالهدف مرة اكاد اصحي و اطير فرحان

وتصبح شمس يوم باكر اعود لى مرارة الحرمان

صبرت على الهدف سنوات صبر ايوب على قليل

اشيد في الخيال امال و ابنى قصور في مجري السيل

وارجع تانى من اول ابنى نفس البنيتو قبيل

وارجع من جديد السيل شديد بالحيل اهد و اشيل

اظن يا دنيا بختى قليل و سؤ الحظ قصدنى عديل

ومهما تعاكس الايام تجدنى تملى جبل الشيل

مهما جنيت على يا زمان و جارت قسوة الاقدار

عندي ارادة ما بتلين عزيمة قوية بى اصرار

خبرتك يا زمن عشتك عرفتك الى الضعيف قدار

يا ما بكرة تخضع الى و تزرع دربى فل و ازهار

ما دام يا هدفى مؤمن بيك اكيد تتجاوب الاقدار

ياملك
صلاح بن البادية

يا ملك عايزنك ديمة تكون ملك
ملك عظيم يا زول
عايزين ديمة نشوف الملك
دة سور العالى المنشبك
يحمينا يا زول
حراسو بتمسك ما بتفك
بالموت دايرين نشوف الملك
لو جيت بعيد سور الملك
دة عبيرو بجيك فايح المسك
احذر حبو لا تنشبك
دة كتير الحباهو و هلك و ما بهموا
الما قادرين يصلو الملك
قالوا الامير زي الملك
دة كذب يا زول
كيفن امير يعادل ملك
دة بعد الهلال من المسك
بكتير يا زول
لو شفتو مرة بترتبك
انوار جلالو حرس ملك
تشيلك ى زول عفة و براءه
وطيب خصال و دلال و جمال ملك
دة ملك عظيم يا زول.

الحرير .

 

.

شعر ابو امنة حامد .

 

.

غناء صلاح بن البادية

وشوشني العبير فانتشيت

وساقني الهوي فما ابيت

يد الحرير ارتعشت بكفى

بكيت من رعشتها بكيت

صبية … العطر يشتهيها

امذنب انا اذا اشتهيت …؟

جدائل الليل على كتفيها

تهدلت حولي فما اهتديت

اجمل منها ما احتوي فؤادى

فالعبق الصادح ما احتويت

حبيبتي اغرودة العذارى

ورنة الافراح ان غنيت

حبيبتي انيقة العطايا

تهمي هوي اذا انا غنيت

لا تسالوني كيف كان الملتقي …؟

وكيف في دروبها مشيت …؟

وكيف طاف الثغر في ابتهال …؟

وكيف في محرابها صليت …؟

سر عميق حبها بقلبى

ما قلتة للناس .

 

.

 

ما حكيت

فان روي القيثار سر قلبى

قولوا لها ما قلت .

 

.

 

ما رويت

لكنة حين بكي حنينا

بكيت من رقتة بكيت

 

 

    ابن البادية انا عندي ارادة ما بتلين

    اغاني صلاح ابن البادية

    الهدف صلاح بن البادية

    صلاح ابن الباديه زول مابحب

    صور فات الاوان والانكتب علي جنينا

    فات الاوان - صلاح بن البادية lyrics

    معنى في محرابها صليت

1٬546 مشاهدة

كلمات اغاني صلاح بن الباديه